هنوف ما ترحم ولا بحالي تروف
____ اطــرد وراهــا وانـشـد فـلان وفـلان
زبنت انا يم الـسـناعيـس ملهـوف
____ قـالـوا ولـيـفـك يـذكـرونــه بـبـرزان
سألت انا فـبرزان خـلــّي ومشيوف
____ فـي داركم قـالـوا له شـهـور مابـان
نصيـت ديـوان ٍِ لـشـمر ومعـروف
____ قـالـوا هـنوفـك بالمضايـف له اقـران
جيت المضايف قالوا الوصف مآلوف
____ بـس الـخـبـر ماهـو أكيـد ٍِ وبـرهـان
دنياي ضاقت و ماحصل لي انا اشوف
____ زول الحبيب اللي له الـقـلب مسكان
بعطيكم اللي استطيعه من وصوف
____ واللي يشوفه يكسب الطيب بانسان
انسان ميت في هوى الزين مجروف
____ من راسه لساسه له سنيـن غرقان
لها اشقر ٍِ من فوق الامتان منسوف
____ سيل الضفاير كـنــّهـا موج طوفان
وعيون حـر ٍِ لا نـظرته بدأ الخوف
____ ورموش ماتخطي لها القلب نيشان
والزول من شافه لفى القلب لافوف
____ شبـيـه وصفه يوصفـونه بـفـتـــّــان
باقي الوصف عندي اخليه بالجوف
_____ مثل الورود اللي تجمّع بـبـستـان
رد مع اقتباس
