[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
الجنون اللي تهيـض و ترجهنـي =حول فكري بين حذفـة وإنقلابـه
لاسرى بي مع حلوك الليل جنـي=صرت أنا ويـاه خـلان وقرابـه
ساعةٍ مفتي وساعـة لـي مغنـي=ما تفرّق بين طيشه مـن صوابـه
من هاجوسٍ لا لجى بي وإمتحنـي=كل مـا لديـت يمـه بـان نابـه
نابه اللي كل مـا بـان و طعنـي=كنها من ذيب والـلا ليـث غابـة
ولا يضمد لي جروحـن ينزفنـي=غير جن الشعر لاشـد العصابـة
لعنبـوه ليانخيتـه ثـم زبـنـي=كن جسمي يرتعش من هول مابـه
حـزةٍ فيهـا وجـودي والتمنـي=وجد عودٍ... طاح.. ماحيٍ درى به
ماله من الناس موحي يـوم ونـّي=وأصلح عياله توفى فـي شبابـه
عاش عمره في مكانـه مستكنـي=لين مات و راح طعمـه للذيابـة [/poem]
,,,
رد مع اقتباس
-new.gif)
المشاركة الأصلية كتبت بواسطة عريمان السبيعي
