جرح العــــام

[فيصل بن بدر العتيبي]

[align=center]هذي قصيدة متواضعة وقصيرة جدا اتمنى ان تحوذ على رضاكم وأيضا اكرر

وأقول إذا القصيدة في شي مكسور اتمنى اخباري فليس عيبا

ان يخطأ الأنسان العيب تكرارا الخطأ

وكل عام وأنتم بخير[/align]

[poem=font="Simplified Arabic,4,white,normal,normal" bkcolor="transparent" bkimage="backgrounds/28.gif" border="none,5,gray" type=0 line=0 align=center use=ex num="0,black"]
اقدر اعيش بقلب مليان حرمان = هذي حياتي والشقا شي مقسوم

وأقدر اكابد بالسهر ليل الأحزان = لاصار جرح العام هو جرحي اليوم

جرحا جديد احيا حريرات الأشجان= وصارت حياتي كلها الام وهموم

غطيت جرح القلب بحجاب كتمان = ودموع عيني بينت كل مكتوم

وماهمني مهما غلا دفع الأثمان = اواحي عزيز النفس لو عشت محروم

وايضا تراني ماحتمل اجرح انسان = ماني من احساس الكريمين معدوم[/poem]

[فهد الروقي]

الأخ الغالي / فيصل بن بدر... صح الله لسانك ... قرأت الأبيات أكثر من مره ولاحظت فيها مايلي :
1- الأبيات ليس فيها روح وتجديد وعاطفة
2- لم تأتي بجديد فيما كتبت ، أين الإبداع ..لا اريدك أن تكون مجرد شاعر
نريد ان نرى من هذا القلم المشرق أدوات الشعر من تصوير ووصف وتشبيه
فالعبارات هنا مكررة

3- رغم أن هذا المعنى أو هذه التركيبة مللت من سماعها ، إلا أنها أجمل ماقرأت فيما كتبته وهي في هذا البيت :
جرح ٍ جديد أحيا حريرات الأشجـان &&وصارت حياتي كلهـا الام وهمـوم

4-وماهمني مهما غلا دفـع الأثمـان&&اواحي عزيز النفس لو عشت محروم
أعتقد بأنك أردت أن تقول في الشطر الثاني من البيت : أو أحيا عزيز النفس لو عشت محروم
ولكنه بهذه الطريقة مكسور وتصحيحه : وأحيا عزيز النفس لو عشت محروم

5-وايضا تراني ماحتمل اجرح انسـان &&ماني من احساس الكريمين معـدوم
الشطر الأول من البيت فيه ثقل شديد وتحديداً في الهمزة التي في كلمة أجرح( ماأحتمل أجرح) . فلو قلنا مثلاً
وايضا تراني ماحتمل دمعة انسان .. لإستقام الوزن ..

أخيراً .. أخي بدر سأنقل لك قصيدة اقرأها بتمعن وحاول مجارتها بقصيدة أو قصيدتين وحاول أيضاً تقليد مافيها من وصف ٍ وتشابيه وتصاوير ..
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يالله ياقادر على بعـث الامـوات=ياجاعـلٍ بيـن الاوادم تـفـاوت
وغير التفاوت بالهياكل والاصوات=ارزاقهـم وعقولهـم ماتسـاوت
يارب الارض ويابديع السمـاوات=فرج هواجيـسٍ بقلبـي تخـاوت
وافرج لعيـنٍ ماتهنـا بغفـوات=دايم تشاوتها الطواري مشـاوت
وروحٍ يلايمها من الهـم لقـوات=هذي لها اكثر من سنه ماتشاوت
وقلبٍ يخمنه هواجيسـه افـوات=مثل الطيور الجارحـه لاتهـاوت
خطرٍ بعد قلـو رجـال المـروات=يلذع كما تلـذع فيـوز الكتـاوت [/poem]
القصيدة للكبير عبدالله بن عون ..

ويعلم الله يابدر ... مانبي غير خدمة الشعر ونصحك الصادق..

[أبوعبدالرحمن]

فيصل

صح لسانك اخوي

وبدايتك جميلة ونريد منك ان تعرض لنا اجمل مالديك

تحيتي لك ياولد العم

وكل عام وانت بخير

[فيصل بن بدر العتيبي]

الأخ فهد الروقي شكرا على

تعقيبك وشكرا لك على ملاحظاتك

بالنسبة لكلمة اواحي نعم لقد اخطأت بكتابتها املائيا

لأن لو لاحظت لامعنى لكلمة اواحي كنت اريد كتابت وأحيا

اما بالنسبة للبيت

وايضا تراني ماحتمل اجرح انسان ... ماني من احساس الكريمين معدوم

مع احترامي الكبير لك ليس في البيت لاكسر ولاثقل

ربما لم تقرأه جيدا

وصح لسانك يالغالي

وكل عام وانت بخير

[فيصل بن بدر العتيبي]

صح بدنك اخوي ابو عبدالرحمن

تشرفت بمرورك يالغالي

وكل عام وانت بخير

[بعيد المراميس]

لكل وجهة نظر

من ناحية الجديد تعقيبآ على اخي واستاذي فهد الروقي...

لو تتبعنا 99% من القصائد نجد افكارها مكرره والاول ماخلا للتالي شي


والقصيده من ناحية الوزن مافيها شي وانا استغرب كيف تنقل لخطوات نحو الابداع



فيصل بن بدر العتيبي


صح لسانك صح لسانك على هذه القصيده فعلآ كلماتها رائعه وبدون مجامله وانا اخوك

سجل المتابعه

(( اختلاف الرأي لايفسد للود قضيه ))

اخوكم بعيد المراميس

[فيصل بن بدر العتيبي]

ياهلا وغلا يامرحبا مليون بابو جسار

حضورك طال عمرك دعم للقصيدة وراعي القصيدة

صح بدنك وكلامك وسام اعتز فيه

الله لايحرمنا وجودك على دوووم