تخيلو واحد من بزرانكم يطلع آله حاسبه
أنا عندي ورع تحول إلى أله حاسبة والسبة تشخيص خاطئ مني انا
7
7
7
7
7
7
7
7
7
7
7
7
بداية المشكلة :
أسيل بنتي كانت بصف أول ابتدائي , وجتني مرة تبيني أعلمها على الحساب , وعلمتها عن طريقة سهلة وهي الحساب باستخدام أصابع يدها , وفعلاً نجحت هالطريقة , صارت تمسك كتاب الرياضيات وتحسب بأصابع يدها , رجعت لي في الفصل الثاني وقالت إن أصابع يدها ما صارت تكفي لحل المسائل ( قالت حرفياً : سعد معاد اقدر احل الواجب بصوابيعي ) , قلت استخدمي أصابع رجلك , والحمد لله عدت السنة على خير بدون ما تسألني عن شئ .
نجحت البنت وراحت لصف ثاني ابتدائي وأخوها دحوم دخل المدرسة , هنا بدت المشاكل ترجع .
جتني أسيل تشتكي من الرياضيات وتقول أصابع يديها ورجليها ما تكفي لحل المسائل , هنا أنا تورطت , وما لقيت قدامي ألا حمودي الصغير , قلت لها خذي حمودي واحسبي برجليه ويديه مع رجليك ويديك (( أولاً عشان البنت تقدر تحل مسائلها , وثانياً نرتاح من الفضاوة اللي عايش فيها حمودي ))
وانصدمت بطلب دحومي لأنه من الغيرة يبي حمودي يحسب معه الرياضيات (( مع أن أسيل يوم كانت في صف أول كانت تحسب لحالها بدون حمودي ))
قمت وخليت حمودي يمسك (( شفتات )) من العصر إلى المغرب مع أسيل , ومن المغرب للعشاء مع دحوم .
وصار حمودي ينبسط على الشغلة هذي , وأنا ارتحت بعد من هواشهم .
رجعت أسيل تشتكي من الرياضيات << قلق ذا الرياضيات , وتقول أصابع يدي ورجلي وأصابع يدين ورجلين حمودي ما تكفي للحساب , قلت خلني أشوف وش عند هالبنت من مسائل , ألا والله مسائلها كبيرة (( 200 + 150 )) يعني لو أجيب أصابع بزران الحارة ما تكفي لحل مسائلها , رحت وجبت لها الخرز حقت الحساب وارتحت منها .
أما دحومي فاستغني عن حمودي لأن أسيل استغنت عنه قبله (( المسألة كلها غيرة )) .
والمشكلة حمودي الصغير مسكت معه على الحساب بأصابعه وصار يخرم على هالطريقة . ويجي يمد أصابع يدنيه ورجوله عند دحومي وهو يطرده .
7
7
7
7
7
7
7
لدرجة أن حمودي صار يجي ويمد أصابعه عن أي واحد في البيت يقرأ كتاب أو جريدة , وآخرهم واحد من أخواني كان يقرأ جريدة , وصاح باعلى صوته : يا سعد خذ ورعك ذا الآلة الحاسبة اللي أزعجني ولا خلاني أعرف أقرأ جريدة .
وأبوي يقول والله ما عاد أفتح كتاب أو جريدة وورعك ذا عندي :icon_evil :icon_evil
وفي رمضان العالم كلها تقرأ قرآن وحمودي يجي ويمد أصابعه قدامهم يبيهم يعدونها , وإذا اخذته معي لصلاة الجمعة ينسدح قدام اللي يقرون قرآن ويمد أصابعه عشان يعدونها
ومرة شاف حلقة القرآن وبغى ينهبل
راح وانسدح وسطهم
بس للأسف
محد يمه ولا أحد فاهمه
الحين وش الحل معاه ؟
والحين اسيل صارت تدرس المربع والمثلث
وياخوفي ينقلب لعلبة هندسة
رد مع اقتباس
-new.gif)
