تقول الحُب في قلبك تجاهي مُستحيل ومات=وواقفلي على غلطه وانا عديت الك غلطات
صباحكم / مسائكم شعر
جديد
تقول الحُب في قلبك تجاهي مُستحيل ومات.. وواقفلي على غلطه وانا عديت الك غلطات
بعد ذاك الغرام الي شعل نيرانك بداري..بعد ذيك الليالي والسهر حدك مع الآهات
بعد ما اصبحت في حُبك وَقيد وتشتعل ناري..وجاي اليوم تسألني عن الماضي عن الي فات
أنا مولود من شفتك وقبلك ناسي دياي..أنا الشوق الذي طيفه على جنبك وحدك بات
أنا في خاطري مذكور ليل نهار الك طاري..وانا الحي الذي من غيرك اتودر مع الأموات
انا الغصن الذي ما مال منذ انعومة اظفاري..ولك ورَّد كتب غرَّد بأجمل نبرة الأصوات
وانا دايم معك هايم وشاغل فيك أفكاري..من حروف اسمك اتعلم ولوِّن وارسم اللوحات
ولك في داخلي أجمل شعورٍ حطم اسواري..وخلاني معاك احلم واعيش الحلم الك بالذات
وجايب لك معاي اليوم اراوي صفوة اشعاري..ولك وحدك ولا غيرك أبقصد وانظم الأبيات
واذا ودك تعذبني بديك تغيير اقداري..تبدل لينك بقسوه وتحرمني هالعوينات
وجاي اليوم بايعني بعد ما جيتني شاري..وتتكلم وتتلعثم وانا مرهون الك بسكات
ولا ظنيت تنساني وتقدر تمحي اذكاري..أجل كيف ابتعد عنك وداوي جرحنا هيهات
كفاني ما حصل منك كفى لا تفضح اسراري..تنعم في معاناتي ولا تغفرلي الزلات
واذا ناسيني اتذكر ذنوبك واقبل اعذاري..ولا تقسى ولا تنسى ولو حبي بقبك مات
إذا ناسيني اتذكر ذنوبك واقبل اعذاري..ولا تقسى ولا تنسى ولو حبي بقبك مات
ناجي الصقار
.
رد مع اقتباس
