$$ بعيد المرااميس تعااال لااااااااااااااااهنت

**محمد السليس** · 12-10-2005, 12:33 AM

[poem=font="Simplified Arabic,6,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
ليت ابو جسار مايتعب ولايتعب شدااده = لين يدرى وش ورى المظهور والنيـــه مطيـــه
حط من فوقك لحاف ومن تحت راسك وساده = العلوم موثقـــه يالذيب والخيره خفيــــــــه[/poem]

**نايفة شمر** · 12-10-2005, 01:28 AM

ليت ابو جسار مايتعـب ولايتعـب شـدااده
لين يدرى وش ورى المظهور والنيه مطيه
حط من فوقك لحاف ومن تحت راسك وساده
العلـوم موثقـه يالذيـب والخيـره خفيـه

كل عام وانت بخير يابوعلي

وانا كالعادة الملكية بصف ابوجسار حتى اخر رمق

**أمل عبدالعزيز** · 12-10-2005, 03:34 AM

,
,
صح لسانك يابوعلي

والمرة هذي بكون بصفك والله يعين :هاها:

وين ابو جسار بس؟

ننتظره بشوق ..

**رشيد الكسر** · 12-10-2005, 03:47 AM

حط من فوقك لحاف ومن تحت راسك وساده
.... العلـوم موثقـه يالذيـب والخيـره خفيـه

صح لسانك يالسليس ...

وبصفك طال عمرك ..

**بدر سهران** · 12-10-2005, 01:53 PM

[align=center]ابو على
صح لسانك يالنشمي
وانا بصفك ولو امتدت بنا السبل
على يمناك اكون دايم
وانا القرني[/align]

**بعيد المراميس** · 12-10-2005, 10:07 PM

نايفة شمر: مرحبآ تراحيب المطر وكل عام وانتي بخير لو انك ماهنيتيني

لاكن اعتبرها واصله منك التهنئه
ويشرفني وجودك بصفي يابنت الرجال ولاخلا ولاعدم

=============

امل عبدالعزيز: مرحبآ بمديرتنا وحظورك شرف للمحاوره وأهلها لاعدمناك وصفي وصف ابو علي واحد الله لايهينك

============

مرحبآ يالكسر ولاهنت على هذا الحظور يالقرم لولا محمد طالبني كان جيت بصفه انا بعد

============

عبدالرحمن القرني ياهلا والله بهذه الاطلاله يالقرم وحياك الله وصف محمد عامر مايحتاج بوجودكم الله لايهينكم

=============

نايفة شمر الجيوش متحالفه ضدي مير خليك قريب ماجوز عن الدعم وانا اخوك

**بعيد المراميس** · 12-10-2005, 10:09 PM

ابو علي استلم والله يعيني عليك انت وصفك اللي يخوف

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
انت دمك ياوسيع المعرفه سكر زياده=فيك حلم وفيك ظلم وفيك نخوه جاهليه
بارك الله في رجالن قلدوك اكبر شهاده=لان صار الحمل من فوقك كبر مقلع طميه[/poem]

**أبوعبدالرحمن** · 12-10-2005, 10:16 PM

صحت قلوووبكم

وانا بصف ابوعلي لانه حليف استراتيجي

متابع لكم

**بعيد المراميس** · 12-10-2005, 11:02 PM

حياك الله يابو عبدالرحمن تحياة المطر

لاكن انتم علامكم علي ههههه طيب مجامله ياشيخ على الاقل

تبوني اعلمكم مدام نايفة شمر قريب والله ماعلي من احد<<<<<<<<<<< مهايطة الربع

على العموم حظورك يشرفنا يابوعبدالرحمن

**محمد السليس** · 13-10-2005, 12:07 AM

استلم ياا ابوجساار

وانت مااعليك لو تقف قداام الجيش الاحمر السووفيتي فى عصره

[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
انت والف نعم لكن منك مانرضي الشهاده = من قديم الوقت والذمه من الذمه بريه

كيف نقبل منك فالميدان تقرير الافاده =وانت ماصمت رمضان الا بعـــد عيد الضحيــه[/poem]

**محمد السليس** · 13-10-2005, 12:15 AM

نايفة شمر:

يامرحبا تراحيب المطر بالحاضره الغاائبه وكل عااام وانتى بخير يالسنااافيه

وحياك الله يالسناافيه اينماا كنتى ولااتقااطعين

=============

امل عبدالعزيز:

اهلا وسهلاااااااا بأستاااذتنااا ومديرتنااا ووجودك في صفي طال عمرك دعم معنوى واعلامى لايستهاان به

ولاخلا ولاعدم

============

مرحبآ يالكسر ولاهنت على هذا الحظور يالقرم وتوجدك في صفي مكسب والله

ولاخلااااااا ولاعدم والله يالذيب

============

عبدالرحمن القرني ياهلا والله بهذه الاطلاله يالقرم وحياك الله ووجودك في صفي نومااس ومكسب والله

=======

معزبي واستااذي ابو دااحم

لاخلاااااااا ولاعدم والله

**صالح الروقي** · 13-10-2005, 12:17 AM

الله على الإبداااااااااااع ياالاساتذه

صح الله ابداااااااانكم جميعاً

وانا اشوف الكثره مع ابو علي وابي اصير ضده ابي اكون في صف بعيد المراميس

واصلوا لا عدمنااااااااااكم

تحياتي

الرووووووقي

**بعيد المراميس** · 13-10-2005, 12:31 AM

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رد سيفك يامحمد رد سيفك في غماده=والله اني مابغيتك ..خابرك لحمه طريه
لاتعلمنا العباده منته براعي عباده= الك راسٍ مثل راس الداب والك ذنيب حيه[/poem]

**بعيد المراميس** · 13-10-2005, 12:34 AM

مرحبآ يالروقي تراحيب المطر

حظورك شرف الله لايهينك

خلك قريب والله مدري مار خلك قريب

**الرويحـــي** · 13-10-2005, 12:47 AM

ياسلاااااااااااام عليكم

صح اللسانك يامحمد انت وبعيد انا توني اجي بعد الفترة الي غبتها عنكم
ومن حظي الزين اني جيت وشفت مثل هالمحاوره القويه بين شاعرين قويين
واصلوووو لاهنتوا
وانا متابع لكم

الموضوع: $$ بعيد المرااميس تعااال لااااااااااااااااهنت

أدوات الموضوع

بحث في الموضوع

تقييم هذا الموضوع

$$ بعيد المرااميس تعااال لااااااااااااااااهنت

معلومات الموضوع

الأعضاء الذين يشاهدون هذا الموضوع

المواضيع المتشابهه

لسان حال كاس اسيا : بعيد عنك حياتي عذاب & ماتبعدنيش بعيد عنك

رجعنا بعد ماكنا بعيد وانتم بعيد

الكلمات الدلالية لهذا الموضوع

ضوابط المشاركة