يالله ياعالم بحزني وبلواي
ـــــــــــــــــــــــ أسألك ياربي تزيل ابتلايه
رجواي بك ياعالم الحال رجواي
ـــــــــــــ وعلى جميع الخلق خاب ارتجايه
مالي ملاذٍ ألتجي له بشكواي
ــــــــــــــــــ الا انت ياربي عليك اشتكايه
يالله انا ضاقت بي اليوم دنياي
ــــــــــــــــــ ولاعاد فيني للحمول ارتكايه
أخذت من حسن التدابير والراي
ــــــــــــــ وعيت تجي الدنيا على مشتهايه
دنياً مشت ممشاً على غير ممشاي
ـــــــــــــــــــــ ماكنها الا واحدٍ من عدايه
ياذيب ياللي بالمراقيب عوّاي
ـــــــــــــــــ لولا الحيا علِّيت مثلك عوايه
ـــــــــــــ أموت ما أضهر للخلايق بكايه
لابد للشِّدَه بعد شَدَّها إرخاي
ـــــــــــــــــــ ولكل حاجة بالنهايه نهايه
واختم بقول مثل قولي بمبداي
ـــــــــــــــــــأسألك ياربي تزيل ابتلايه
رد مع اقتباس
المشاركة الأصلية كتبت بواسطة مطلق الحمدي الجهني
