عذآب الضميـر
السلام عليكم ..
قصيده لامست احساسي
اتمنى ان ترتقي لذائقتكم
يشوفني حلمه وانا اشوف به غير
يشوفني فرحه واذيقه تعاسه
حبه خيالي مثل عشق الا ساطير
وانا غرامي ثابت(ن) بأرض ياسه
بعض المشاعر عشتها معه تزوير
وكل المشاعر عاشها لي باحساسه
دايم دموعه تسبق الحرف تعبير
ودايم انا اضحك كل ما زاد بآسه
ياما جرحته دون وعي (ن) وتفكير
وياما فضحته بالوله بين ناسه
ياما تسامى عن جروحي بتقدير
وياما سقيته من العنا مر كاسه
ياما جزيته بالوفا لي بتقصير
وياما تعذر والخطا بي اساسه
ياما هجرته دون ذنب وتفسير
ياما حرمته من عذابي نعاسه
ياما خلق لي من غلاتي معاذير
ياما حنى لي بالهوى حييل راسه
عذري بأني شفت غدر(ن) مع الغير
أرضي جروحي فيه واجرح احساسه
ويوم(ن) نوى له خافقي نية الخير
بعثر زماني كل حبي وداسه
مدري قصدها مدري هذي مقادير
لا وعذابي كنت بآخر انفاسه
..
للشاعره غريبة الدآر
رد مع اقتباس
