منقول
السلام عليكم ورحمة الله وبركاته
عنوان صادم معلش
بس بجد انا عاوزة اعرف الشعب المصري دين الاغلبية فيه ايه وماحدش يقولي الاسلام
لاني بقيت مستغربة جدا والله ومصدومة من التخوفات من الاخوان والسلفيين لمجرد انهم ملتزمين بالاسلام
دلوقتي بسمع مصطفي الفقي في مؤتمر انتخابي لمرشح ما بيقول ارفض اقحام التيار الديني السياسي
ياجدعان مافيش حاجة اسمها الاسلام السياسي ومافيش حاجة في بلد المفروض انه اسلامي اسمها الاسلاميين
هو احنا ملتنا ايه؟
هو انتوا عاوزين من دينكوا ايه؟ لاني بجد تعبت من التفكير
امبارح بكلم اخويا بيقولي انتي ايه رأيك في طالبان لما دمرت تمثالي بوذا ؟وانا كنت متابعة الموضوع ايامها واشمئزيت جدا من الازهر لما طلع بيان يناشدها عدم التعرض للتمثالين لانهم تراث انساني
؟؟؟؟؟؟؟؟؟؟؟؟؟
ياناس الله يكرمكوا تمثال بوذا يعبد من دون الله انتوا عقولكوا مصنوعة من ايه؟
هو لما ادمر تمثال بيعبد من دون الله في ارضي ابقي ارهابية ومتطرفة ؟ طيب الرسول علي كده كان متطرف لما هدم الاصنام اللي حول الكعبة وداخلها ؟
وقياسا علي ذلك بيقولك الاخوان هايدمروا تماثيل الفراعنة ؟ يعني الغباء مستبد للدرجة دي ؟ تماثيل الفراعنة لم تعد تعبد اساسا فهيدمروها ليه؟
يامسلمين الاسلام ليس الصلاة والزكاة والصوم
انتوا اختزلتوا دينكو في العبادات ومع ذلك مش بنأديها كمان علي اكمل وجه
الاسلام واي دين هو منهج حياه يعني ربنا هاينزل لنا دين علشان يخلينا نصلي بس ولا نمتنع عن الطعام لمدة ما فقط؟
لا الهدف من اي دين هو تنظيم العلاقات مابين
اولا البشر وخالقهم
ثانيا البشر وبعضهم البعض
الاخوان ليسوا يستخدمون الدين للوصول لسلطة الاخوان او السلفيين او اي ملتزم دي ناس بتسعي للتدين بمعناه الحقيقي وهو الالتزام بالدين في كل مجالات الحياة
يعني هو ينفع اخت كانت حاطة صورة في مكتوب هذا حال مصر في عهد الاخوان
الرجم في دولة كذا
قطع الراس في دولة كذا
وفيه صور تدل علي الكلمات دي
ولما قلتلها ده ديننا اكتشفت ان الاخت مسيحية وبتقولي طب مافيش حد من اللي حكموا مصر قبل كده عملوا كده ليه ؟ربنا يسترها علي مصر
يسترها من ايه؟
هو فيه حد قبل كده حكم مصر وراعي ربنا فيها؟
هو احنا بقينا ناخد من الاسلام اللي علي مزاجنا ونسيب اللي مش عاجبنا؟
اي دين فيه حدود وفي ديني يوجد حد للزنا والسرقة والقتل والبلطجة بهدف ليس فقط العقاب علي الجريمة انما الوصول بهذه الجريمة للحد الادني
يعني لو كان فيه تطبيق لحد السرقة مع الاخذ في الاعتبار انه فيه قيمة معينة لو سرق اقل منها لاتقطع يده
بالله عليكو لو طبق كان هايبقي فيه مسجلين سرقه ونشل ؟ ومعروفين بالاسم؟
كان الزنا انتشر كده لو فيه تطبيق حد الرجم ؟وهو ايضا مشروط تطبيقه بشهادة اربعه شهود عدول يعني ناس محترمة او باعتراف الشخص نفسه وطلب تطبيق الحد علي نفسه
انا مش عارفة انتوا عاوزين ايه من دينكوا؟ بتتكسفوا من دينكوا ليه يامصريين ؟ وبترتابوا ليه اي حد ملتزم وتخافوا منه؟
هو انتوا شفتوا من غير الملتزمين بدينهم غير كل شر وظلم وفساد؟؟؟؟؟؟؟؟
وبما اني ارهابية ومتطرفة بحب ديني وعاوزاه يتطبق كله علشان نبقي متخلفين وماعندناش حرامية كتير ولا زنا منتشر ولا بغاء مقنن ولا مجاملة في الحق
بما اني ارهابية ومتطرفة بقول لشعب مصر من المسلمين ياتاخدوا دينكوا كله ياتسيبوه كله
جايز ربنا يستبدل قوما غيركم يحبوا دينهم ويغاروا عليه وينصروه ومايتكسفوش من حدوده واحكامه
وبقول لاخواتي المسيحيات ماتخافوش ديننا بيقول احكام دينكم هي اللي تحكم عليكم وان كان الزنا والسرقة والجرائم اكيد منبوذه ومرفوضه في دينكم ايضا
ارجوكم يامسلمين اقرأوا في دينكم لان دينكم عظيم ولا يستحق منكم كل هذه الريبة وهذا الخجل
رد مع اقتباس
