[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياربي يااللي خالق اشجار وانهار = الواحد اللي في السموات عالي
المكتفل في رزق طير لياطار= ياالله ياربي عليك اتكالي
عزالله ان قلبي من الامر منهار = ووجدي على قلبي وياعزتالي
يااااارب صبرني على حكم الاقدار = وتجبر مصابي ياعظيم الجلالي
ياااارب حرم جلد ابونا من النار = وتثبته لاجاء نهار السؤالي
وتسكنه الفردوس مع الناس الابرار = سكنه ياربي جنان معالي
الغالي اللي مكرم الضيف والجار = من بعده ياقلبي من اللي بقى لي
عسى العوض في اخواني صغار وكبار = ويحميهم الله من شرور الليالي
وتجعلهم ياربي من الناس الاخيار = وتصبر قلب امي على كل حالي [/poem]
وسلامتكم
رد مع اقتباس
