[poem=font="Simplified Arabic,4,black,normal,normal" bkcolor="transparent" bkimage="" border="none,4,blue" type=0 line=0 align=center use=ex num="0,black"]
[align=center]قرأت هذه القصيدة في الساحه الأدبيه واعجبتني كتبها ألأخ ربيع حائل وهي للشاعره نوف بنت شطيط العتيبي واحببت ان تقرأوها معي وذلك لروعتها ارجو ان اتنال اعجابكم
المرجله
إذا المراجل لبسة شماغ وعقا = قل للعـــــذارى يلبسن العمايم
ماعاد يفرق زول حرمه ورجال = دام الفعايل تشبه البعض دايم
المرجله ماهيب كلمة وتنقـال = وتروح ماراحت هبــوب النسايم
وإلا خشونة صوت أو رفع الأثقال = أو رزة صدور وفعل الزلايــــــــم
ولاهي بعد مفتاح موتر وجـــوال = وإلا ردى لسانن حــديثه شــــتايم
المرجله شيمه عن القيل والقال = رفيع نفس ن حــر بالجو حايـــم
المرجله عقل وزن وزنه جبـــال = ودون العقل وش فرقنا والبهــايم
يامسندي لو مايل الوقت بي مال = ياولــــــد أبويه ياعظيم العـــزايم
يامعرب الجدين من العم والخال = يانخوة المفزوع وقت الهــــزايم
المرجله ياخوي هي طولـة البال = هي العزم هي الصبر فالظــــلايم
فيها الكرم عزه دله وفنجـــــال = فيها الكرامة عن ردى الطبع شايم
والدين لامنه خذا القلب منزال = مشى طريق الحق وابليــس نايــم
ومن لاعرف ربه في طيب الحال = لابد وقت الضيق بالـــــــهم هايـم
حتى صلاتك مع جماعات ورجال = في خيرها ياخوي نعم الغنــايم
ولامن نصف ليلك قم صفي البال = ياعظم أجرك بين ساجد وقايـــم
ولامن رفع ربي له كل الأعمال = حسن الذكر لاقالو فلان صــــايم
وخلك شريف القصد ياطيب الفال = سوء المقاصد فالبيوت الهدايـم
واحذر تبيع النفس في درب الأنفال = وتتبع خوي إبليس راع النمايم
النفس خيل لك إذا كنت خيال = ومن لاقوى نفسه قوته الهزايم
ولا صرت ماتدري لويش أنت رجال = والله خسارة فيك ذبح التمايم[/align][/poem]
رد مع اقتباس
