مساءكم سكر :
.
.
إعتدت منذ زمن بعيد أن أمنح هذا المنتدى الأولوية بنشر ما أكتب , وها انا أقدم آخر قصائدي ومعها تحية لكل قلب ٍ مر من هنا , وبالنسبه للتنسيق فلم أستطع إلى ذلك سبيلا !!
كونوا بخير :
.
.
اليوم ياسيّد أفراحي .. وياهمي
دوّرت عن وجهك المزروع بأعماقي !!
/
المستريح .. بخلايا الروح في دمي
ماكنه إلا ملامح صوتك الراقي !!
/
وجه ٍ ربيعه .. لغيري .. والحزن يمي
شاحب وتذبل على تاريخه أوراقي !!
/
ألملم الشوق منه وكيف يلتمي
أكثر معالمه غربة .. وش هو الباقي !!
/
وأودعه .. وأطرد الآهات من فمي
وأقول في صمت : هذي لحظة فراقي !!
/
محبتك لو تنسيني ( حليب أمي )
ماغيّرت ياظما قلبي من أخلاقي !!
/
ملّيت وين المهم .. ووين الاهمي
ووشلون في يوم صرت ( أعز عشاقي ) !!
/
ياسيدي لو تربى حبك الجمي
مابين حدب الضلوع .. وبين الأحداقي !!
/
ماكان أسقيتني بيديك من سمّي
وصادرت قبل نتفارق (طاغي أشواقي) !!
رد مع اقتباس
