قصيدة الشاعر الكبير عبدالله بن نايف بن عون العتيبي الموجهة للشاعر الكبير محمد الخس
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تفتحن بيبان صدري بعد حول = كف العذل ياعاذلين معذولا
ياصاح كثر العذل واللوم مملول= مايسمع المغرم نصايح جهولا
كلٍ على طبعه من الناس مجبول =والفرق واضح بين ذولا وذولا
أنا شريد البال والحال منحول = سليم جسم ٍ في ثياب معلولا
دايم زعول ومني الفكر مذهول = أور الجلد وحصون صبري سمولا
ياصاح إخذ مني عن الحال مدلول = شي ٍ لجا في جول صدري يجولا
راحات قلبي ماتجيلي على النول = حتى ولا من طيف خلى رسولا
يتلني خل ٍ له العنق متلول = والنهد عن هافي حشاه معزولا
راعي جديلٍ فوق الأمتان مجدول= تجدال شيخ ٍ فوق ورك الذلولا
العام قلبي من هوى البال مدهول= واليوم عيني تفضحه بمهمولا
ماأشوف غير مجمل الكون مجمول = في ناظري عن كل حي ٍ يحولا
ليا ضحك باللي كما صافي اللول = بين الشفايا .. والكلام معسولا
تخلاهن واد ٍ من الوسم مسيول = ريضان قلبي عقب ماهن محولا
ولو ناشني من فيض حسناه هملول = يخضر صدر ٍ من فراقه جفولا
وسلطان قلبي عن هوي البال مقتول=والهم في واهن عزاي محمولا
يابوخلف شف لي من الراي مفتول= قدام لا ينو القمر بالأفولا
وإن ما تهيت منك الأفراج بحلول = عقب النهر ماينزل للدحولا[/poem]
رد الشاعر الكبير محمد بن خلف الخس المطيري
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
البارحه جفني جفا يابن هدمول = لذ الكرى . . وش حيلتك وش تقولا
ليا قلت وش رايك ترا مابها زعول = الراي به دايم صعود ونزولا
ليا صار فكري يم بن عون مشغول = هاك القبال اللي عسى مايزولا
أنا أصله من فوق من تقطع الكول = وإلا أتصل به هاتفي ٍ عجولا
حيث إن ابونايف له الحق مدبول = فيما ملكت ومايديني تنولا
راع الجواب اللي من الفكر معدول = مافيه ماينقال لولا ولولا
كنه من الواحد وعشرين مزلول= بيدين فني ٍ يسوي شكولا
ياصيرف الجوهر تغزلك مقبول= جعلك لمطلوبك من الله تنولا
شعاك طفل ٍ غض مجمول مدلول= اللي بنغماته غنوج ٍ خجولا
عجاب لعابٍ بالأوصاف مكمول = مرٍ معك راضي ومر ٍ زعولا
مثله يخلي طيب العقل بهلول= من فقد عجاب المزوح الدجولا
قبلك سميك قال ياحَول ياحَول= خذن قلبه زاهيات الحجولا
مافيه قلب ٍ عن هوى البيض معزول =يابن الرجال الطيبين الزحولا
اللي لهم في نجد تاريخ وفعول= يوم القبايل تفتخر بالفعولا
وإن كان قلبك من عراويه منتول =ياما ويــــاما شلت قبلك حمولا
حمول حب اللي غذاهن من الشول =بيض العواتق لابسات الدلولا
اللي ليا مرن وأنا القاع ماهول = غضن وفي عيونهن تقل حولا
وانا تراي مبيدٍ هجن ونعول= مع دربهن يوم إصطفاق النزولا
هذا الصحيح وبيننا الشك مزيول= ياللي فوادك للمحبه ميولا
وإن كان خلك واقفٍ دونه شبول= شبول ٍ تقول أبعد وحنا به أولا
محجرين ودونه الباب مقفول= والعين دون مغيزل العين شولا
وأنته على حسن النبا ضايق الجول=والباب دونه مغلق ٍ بالقفولا
عليك باللي من زبنهم مشى طول= حكام نجد مطوعين العيولا
إن كان قاموا فيه صاحبك مكفول= ما والله أخبر غير هذا حلولا
ماهوب وقت مصافق خيول بخيول = اليوم حكام ٍ وحكم ٍ عدولا
[/poem]
رد مع اقتباس
