[align=center]السلام عليكم ورحمة الله وبركاته :
قصيدة اولى اتمنى ان تحوز على شي من رضاكم واستحسانكم : [/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="ridge,4,gray" type=0 line=0 align=center use=ex num="0,black"]
أنا ( ايلاف ) تاريخ وثقافة = حشى ماصرت انثى صرت دوله
طبيعية وفي دمي لقافة = وسيعة بال لكني عجولة
أحب الشعر وأحيا في ضفافه = ومرات اكرهه مقدر اقوله
كسبت اعجاب قراء الصحافة = وأخذت فبيت مكسور البطولة
يصفق لي من العشاق تافه = وأشوف آلاف تهتف حب حوله
ولاينفع لهم حتى الوصافة = كأني داااافعة .. شوية عموله
وانا وش لي بحكيه واعترافه = غبي ماعانق اطباع الرجوله
ولدت ومدمعي ( آلة صرافة ) = وكبرت وضاعت ايام الطفولة
طموحي صعب .. اهواه وأخافه = وأذوب من الاسى حتى اطوله
يبللني إذا اقبل جفافه = واموت من العطش لحظة هطوله
أبي منَه يسوي لي ( إضافة ) = لقلبه واسكنه عرضه وطوله
هذاك اللي ملك عرش الخلافة = بقلب ٍ رفضه أكثر من قبوله
خفوقي ماء مايبغى نظافه = ووجناتي من الدمع مغسولة
رسمت الصدق في قلب الخرافة = وتاه العام في غربة فصوله
أحس بداخلي ( قصر الضيافة ) = ولكن بس لمن أشتاق وآوله [/poem]
رد مع اقتباس
المشاركة الأصلية كتبت بواسطة نياف العتيبي
