سريت مع هاجس الذكـرى وسرانـي
وسجيت وانا منول ماعـرف السجـه
دار الزمـان وضحكـت ودار وابكـان
واصبحت مـع دورة الايـام فالعجـه
طبع الليالي تطـوع كـل ديقانـي*1
خلت عيونـي تهـل الدمـع وتزجـه
يالله يالله يالـلـي تحـيـي الفـانـي
أغفر لعبـدك ومـن ماصابـه تنجـه
كم لي وانا ماتذوق النـوم الاعيانـي
وعزي لقلب هوى الخفرات قـد خجـه
أضحك علي أهل الهوى والله حافاني*2
باللي غلاهـا يخـج القلـب ويفجـه
الله يذكـر زمـان فــات بحسـانـي
واليوم صفـو المـودة جـاه مارجـه
عهدي بقلبـي معـي ياليـن لاقانـي
في عام خمسة عشر في شهر ذالحجـه
اللي شربنـي غلاهـا لينـه انهانـي
أصدر قـرار الـوداع وبالقلـم طجـه
سرينا معك اخوي عويد في بحر من العذوبة
صح لسااانك مليوون ولا يكفووون
اختك
نايفة