.. السلام عليكم ..
شفت اكتر من موضوع بخصوص تصويت العربيه للجمهو واختيار افضل رئيس نادى
ورأيي ان التصويت فاشل وطريقة التصويت فاشله جدا ..
وواضح كده من نتايج التصويت.. لانه هل من المعقول ان جمهور الشباب اللى ما يتعدو خمصطاشر نفر ..جالسين على وجبة بروست فى احد الاستراحات وشغالين تصويت على مدار الاربعه وعشرين ساعه ...ويصير صاحب العزومه والدعوه هو افضل رئيس..؟؟ّّ
معقول كده ... لا مو بس كده ..دا حتى فى منتدى الشباب المؤجر مؤقتا من احد المواقع ..شارحين كيف تصوت اكتر من مره ...
يعنى كلنا شفنا جمهور الشباب اللى لبسوهم لبس عمال النضافه او يمكن عمال بلديه او سيكيوريتى صناعه
واللى ما تعدو عدد اصابع اليدين معقول يصوتو لولى نعمتهم ويتصدر هو التصويت ؟؟
بالعقل ياهو والمنطق ...
هما انتهى موسمهم من زمان وقاعدين يتسلو الين يبدأ الموسم الجديد وبروست وبتزا وبين الوجبات فصفص ويمكن قورو كمان ..
دحين ينتهى التصويت ويخترعو لك هرجه جديده للتسليه ..
ومع ان بعض الاهلاويين انجرفو بحسن نيه ورا التصويت لحبهم و ثقتهم بافضلية
سمو رئيس الناي باللقب ..الا اننا ما نحتاج شهاده لا من العربيه ولا من زغبي ولاغيره
يكفينا الحاضر المجييد اللى عايشينه معاه ومع وبتوجيهات سمو رئيس اعضاء الشرف
الله يخلليلنا هما تاج فوق راصنا وداعميين ابديين للاهلى ..
رأيي ان التصويت فاشل ...والامير ..مايحتاج تصويت بائس يشهد له ...مجرد رأي.