[align=center]متواضعة الى قلوبكم السمحة ..
.
.
.
.
.
لسماع القصيدة [/align][rams]http://www.geocities.com/msafer_md/msb7y.rm[/rams]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
فلت الايام مسباحي وبعثرته زري=كنها صدري ليامن بُعثر اللي ضُـم فيه
مقتل ابن الرومي يفرق عن حياة البحتري=فرقهم شاسع ومثلك هون الدنيا عليه
ماهقيت تضيق نفسي كل ماحان سفري=ماتوقعت ان صبري تبعث اسبابه بنيه
عش شيهانه ليا طولت عنها تحتري =لي يموت صغارها من الجوع وتهاجر اليه
كم تصد اليا رجعت وكم تغنج بسهري=كنها تسيج على عرقي حدود النرجسية
لو ضربت الحظ في شعري برجوى حزري=كم تمناها ظميري مادرت عنا سويه
هي كذا تقدر تحس بحبي وتجيني جري=بس ايثار التغلي والشقى والمهمهية
والا انا لولا دريت ابها تبي تجيب خبري=كان ماخليت قمحي للرياح الموسمية
حبها حب بدويه زان في عين حضري=ياشقى قلب حضري ٍ طاح في حب بدويه
كان خلت لاترزم شي بالعين امطري=كل مايزهم سحابك بعضه اشكال وحميه
وكل ماجبت الدفاتر والشهود ومحضري=مايخاشرني غلاك الا الورق والشاعريه
كل مابريت حالي قلت ياحالي بري =يابري حالي وحالي غير في وجه البريه
فان فهمتيني وجيتي تزهميني اذكري=كم كرهت اسباب بعدك والجفا والعنجهية
وان تساترتي غرامي فيك والعالم دري=فرصه اتخبى بداخل جوفك وابقى شويه
الذكا لو يعلم المريخ شوق المشتري=وانتي الجزله وحليها عليّه ياذكيه
لان قلبي كل مايشره على قول اعبري=صد شرهاته فضاك وانعدام الجاذبية
عبقري ماهو يقول انه ذكي او عبقري=يترك الدنيا وتشهد له بطبع العبقرية
منظر المرآة يعني ليه يعكس مظهري=مظهري هو مظهري لو ينقص المرآة هية
بس عادي واهتزازي مايجيب الاثمري=ومايفوح العود الا وجمرتين النار حيه
ما اقول ان طال صدك والله انك مفتري=النحل لاطال صده غير يرجع للخلية
هاك موجز اولياتي ونشرة اخري=لين يكشف عقلك الباطن عن اسبابي هوية[/poem]
[align=center]وسلامة قلوبكم جميع .[/align]
[/align]
رد مع اقتباس
