[align=center]على صدر هذا المصاب الجلل
.
.
.
لن تفي العبارات والحروف
الى ابي الغالي
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للهم تخلق بالظلوع الرطوبة=حتى يفيض الدمع ويجف به جوف
لولا ان اقدار البريه مكتوبه=لشره على موتك يبه حد ما الشوف
لولا اهاب الله واخاف العقوبه=لذم موتٍ حط للطيّبه حتوف
ياكم دمع ٍ انتثر في هبوبه=بين الذكر والصبر والهم والخوف
ياكن يدي للعروق معصوبه=شهقاتها يالله // زفراتها اوووف
يابوي موتك هز كل العروبه=لانك كسبت بكل رجال معروف
ياكم نصرت حقوق ناس مغلوبه=وياكم زبنك شعوب وايتام وضعوف
ياكم خدمت الدين ترجي المثوبه=لباك ربك يوم ترفع له كفوف
عليت هام العلم واليوم ثوبه=متيسر ٍ لبسه مواقيت و ظروف
جبت العدالة يوم جات محجوبة=حتى علو النخل عانق له سيوف
حتى الحضارة كل ابوها محسوبه=انجاز ياسيد السلاطين معروف
صرنا نمس السحب نوبه ونوبه=نرقى على هام السحب نلمس الصوف
ارسيت حق العلم بأرض الخصوبه=الين كل سعودي يتبصر يشوف
في كل ميدان ٍ نخوضه نجوبه =نهز ميدانه عناوين ورفوف
علمتنا ولكل مرسى دروبه=شكرا ً على نور ٍ تبعثر به طيوف
شكرا ً لبو فيصل عطاه وخطوبه=شكرا يبه شكرا على الطيب موقوف
حتى البحر خليت ملحه عذوبه=نشرب ونشكر خالقك كيف وصنوف
ذكراك في كل ملي وطوبه=طيب البلد من طيب واليه مألوف
ارخيتها بينبع وابها وجوبه=وارخيتها بمكه والاحساء والجوف
وارخيتها في كل دار محبوبه=يذكر بها اسم الله ولا يحسب حسوف
ياكن شرق الدار اصبح جنوبه=وحدتها ياسيدي عهد وحلوف
خضت الزمان السلم حتى حروبه=نرقى بفعلك مارقينا على كتوف
يا آآه في صدر الشروق وغروبه=نسألك لطف القضا ياراحمي روف
قهوتك يابعض الزمان مشروبه=ماعاد في مركى التناهيد مأسوف
بالامس كنا صفوف نشتاق صوبه=واليوم جينا نصلي صوبينه صفوف
يابوي شق الشعر عندك جيوبه=لاعاد يشرح حال تغيابك حروف
لكن عزى قلب الرجى في جنوبه=انك يابو متعب كفو موقف وقوف
يبايعك عالم يعج بشعوبه=بالشرع والعادات تأصيل وعروف
لاخوف من باكر علينا ودوبه=لا مايجي في باكره حر وكلوف
مدام سلطان الكرم من ينوبه=لاخوف يا شعب الوفيين لاخوف
والهم يخنق والظلوع مغصوبه=لكن عزاي انه تنفس بي الجوف[/poem]
اللهم اغفر له و ارحمه وعافه واعف عنه
واكرم نزله ووسع مدخله واغسله بالماء والثلج والبرد
ونقه من الخطايا كما نقيت الابيض من الدنس وابدله
داراً خيرا ً من داره واهلاً خيرا ً من اهله وزوجا ً خيرا ً من زوجه
وادخله الجنه واعزه من عذاب النار وعذاب القبر .... اللهم امين
.
.
.[/align]
[/align]
رد مع اقتباس
