آلــــــــــــــــو انــــــا .. لطيفـــــــــه.. ممــــــــــكن اشـــــــارك

[ياسر عبدالعزيز]

الســــــلام عليكم:)

اســــــــــعد الله ..مساكم:)

يافيه دلوخ.. دلاخات.. من شباب وبنات .. ودك بزبيريه.. منطوله فوق سطح ملحق له سنين طاقته الشمس.. على جبته كل واحد منهم << ترها معصب

راح اقولكم ليه..

ابدا كنت جالس يوم الخميس.. الماضي اقلب في هذا القنوات... وعجزت اركد على قناة معينه

المهم قدر الله علي.. وطحت في قناة.. مكتوب بالخط العريض.. مباشر .. قالت حلو خلنا نشوف وش عندهم

بدأ البرنامج.. والمذيع وضيفه.. مادريت انهم رجال .. الا يوم قربوا الكاميره من وجيهم.. وشفت حتات شعر على صدورهم ..

جالست.. اتحمد الله واشكر ه.. ان الله ما بال شبابنا مثل هذى الاشكال .. |1|

المهم ان المذيع.. قال .. لاحظه توني.. معنا اتصال.. من السعوديه

لطيفه:آلــــــــــــــو ممكن اشارك<<< طيب ليه متصله اجل
المذيع: ايـــــــــــــه عيوني.. ممكن تشاركي <<< ضاع المذيع: ممكن نتعرف على اسمك|4|
لطيفه: انا اسمي لطيفه اه اه اه اه اه<<<<< هذا زود من الحنان والمياعه
المذيع: اهلين بالطيفه.. وحنا سعيدين باتصالك ومشاركتك معنا<<<< معد باقى يقول غير هاتي رقمك
لطيــفه: ممكن اسأل الفنان توني<<<< مادريت انه فنان.. اول احسبه.. حلاق:D
توني: اهلين حبيبتي لطـيفه<<<< وجع قام يمون.. ابن (*)..
لطيفــه: توني.. انت متزوج<<<<< ..وجع وشدخلك

لطيفــه : واذا كانت مابعد تزوجت... ممكن تقولنا مواصفات فتاة احلامك<< ايه هنا عرفت انا وين مربط الحمار فيه

والله.. اتحسر ما اقول غير جعله اخر البنات .. قول آمين


بصر احه مثل الشباب ماشفت مؤدبين.. مايعرفون مثل الحركات لانهم شباب فاهم

المهم.. من الغبنه.. وانا جالس اغير في هذي القنوات. لقيت قناة مشابهه للي قبل.. هذي المره المذيع والضيفه بنات قطع

اول ماوقفت.. عند القناة..و سعابيلي تقطر على لي في الشاشه.. ما دريت الا...والمذيعه تقول معنا.. اتصال من السعوديه

قالت عسى مهيب ذي لطيفه
صويلح: الـــــو.. ممكن اشارك<<< حسيت انه هذي الجمله..انه تجي مع الاتصال
المذيعه..المملوحه: ايــه اتفضل عيوني صويلح << طبــعاً صويلح ضاع وطاحت منه السماعه.. وانحس له شوي
صويلح: اهــاه اهــاهه.. ايه.. ابي اسأل الفنانه بـاسكال
بـاسكال: ايه تفضل .. باســكال معاك
صويلح: تصدقين يا باسكال.. ان اهلي اليوم.. قالوا لي ودنا الخالتك.. وقالتهم انقلعوا << شديد صويلح
بـاسكال : ياحرام ليه.. ليش حبيبي صويلح.. هي دو لي اهلك حرام.. << انت تعرفينا الحرام
صويلح: معصي.. اوديهم.. مهبول وانتي تبن تطالعين في التلفزيون

ما اقول الا ليت امك يوم جابتك ابركت فوق يادلخ


المهم هذي .. شريحتين من الشباب والبنات لي كل شوي نطين لنا في هذاالقنوات .. ومفشلينا مع العالم

لا...والخافي اعظم.. في مايطلبه المستمعين..

تجيك بنات تقول.. ممكن اهدي هذي الاغنيه.. لامي وابوي .. هذي الدلخه مسوي فيه.. مادرت ان امهامعزومه عند
الجيران... وما درت عنها .. ولا.. ابوها.. تلقاه.. جلس مع الشيبان في المشراق ماجب خبرها


اتمنى... ان ننتبه.. من هذي المسائله.. اصبحنا.. ننفس بعض في الاتصال على تلك.. الحثله..

ياليت استفدنا من هذ الاتصالات. في برامج هادفه نستفيد منها.. مثل برنامج مستشارك.. او برامج دينيه... تكون افضل

[السيف]

صراحه انا ما اجلس على التلفزيون في اوقات كثير من البرامج بحكم انشغالي بعملي

بس صراحه بحكم ما شفت كثير من البرامج مثل هالأتصالات تقهرني

و فعلا دنست مبادئنا و اخلاقنا قدام العالم

و اضافت الينا عادات ما كانت فينا و ارسمت بعقول الكثير ممن يجهلونا في العالم كله

تقبل تحياتي على موضوعك الهام

اخوك / الموقع ادناه

[مفرح بن مناحي]

أخي الغالي .... ياسر عبدالعزيز

طرحت موضوع يحاكي واقعنا الذي نراه أمام أعيننا ...

أعتقد أن من يدفع نلك القنوات للاستمرار ... ولو تمت تجاهل برامجهم المباشرة ... لأغلقت تلك القنوات أبوابها منذ زمن ...

ستظل تلك القنوات متميزة .. وستظل جيوبنا تدفع الثمن الباهض لها .. ما دام هناك سذج من أمثال (( لطيفة .. وصويلح )) ..

لك أطيب التحايا ... من أخيك سهم المنايا

[حنان]

أخي ياسر عبدالعزيز

مرة من المرات القليله التى يسمح لي فيها بمشاهدة غير الاخبار في بيتنا
:)

فتحت قناة خليجيه

فيها بث مباشر مع فرقه خليجيه أظن..

والناس تتصل ومنهبلين على الفرقه اللي فيها وحده متحجبه:)

الناس تتصل
ومن ضمن المتصلين واحد

يقول ممكن أكلم الفنان مذكر اسمه ..

قال له المذيع :: لا أخوي هذي فرقة .......

الفنان هذاك ضيف في قناتنا الثانيه

ناقص يقول الدكان الثاني:) عند اللفه

تعرف صرنا مثل قصة الملك اللي فصل له خياط دجال ملابس بدون ملابس

والذكي يشوفها والغبي ما يشوفها .......

والكل شافها حتى الملك:(

والغث والسمين في قنواتهم نفس الشئ..

وراء القوم يا شقراء ......

والسطحيه ما يسعى اليها الكل ..

...

لك كل التحايا

وجزيل الشكر

[الرئيسة]

جزاك الله خير أخ ياسر

والموضوع جميل وخصوصاً أنه من شبابنا المتعلم الفاهم

وإن هذا فقط يسر قلوبنا فبارك الله فيك أخي وثبتنا وإياك

[}{}{ سيـ العشق ــف }{}{]

ياسر عبدالعزيز

اشكرك اخي العزيز على هذا الطرح الجيد والموضوعي لمشكلة من المشاكل الكثيرة التي نسمع عنها اونشاهدها في حياتنا اليوميه ...
وللاسف الشديد ان نجد مثل هذة الصورتين ((( لطيفة .. وصويلح ))) في مجتمعاتنا ...
وهذا يعود الى طريقة التربيه في البيت والمدرسة ...
فالمشكله تنبع من هذان الاساسان ،، فلو كان اساسهم قوي ومتين لما شاهدنا هذان النموذجان في مجتمعنا ...
فالحمد لله ان هذان النموذجان قلة في مجتمعنا ...
فاابناءنا وبناتنا على قدر من التعليم والوعي الفكري المستنير ...

تحياتي لك ...

اخوك // }{}{ سيـ العشق ــف }{}{

[راعية الشوق]

[ALIGN=CENTER]

صباح الورد على الحاضرين

الف شكر لك اخي الغالي على الطرح المميز في الموضوع وعرضك على هذي الافكار التي تتيح لنا ابداء ارائنا ومناقشت قضايا المجتمع

بالنسبة لموضوعك اخوي الغالي

بصراحة لللاسف الذي ذكرته في كلام صحيح مليون في المائه لان يصير ونشوفه في مختلف البرامج الفنية واصبح شبابنا للاسف الشديد منهمكين في البحث عن اخبار الفنان الفلاني والفنانه الفلانيه وطالعوا وش لبسة وش لبس وصار كلام الشباب شو عن السيارات عن الموضه عن النظارات عن اللبس يعني مواضيع تافه بمقارنه بالمواضيع الاهم التي يجب ان تطرح في حيات الشباب

الحين تشوف عزيزي الغالي كل الشباب يوم يجلسون على التلفزيون يشوفونه وش يدرون غير البرامج الفنية او السهرات البرامج المدبلجة والله يمكن هذي ارحم من الافلام والمسلسلات المدبلجة اللي يحطونها صراحة كنا محنا جالسن في دول خليجية او عربيه

الحين لاسف ماصار في رقابة من الاهل من الشخص نفسه مافي نوع من الوازع داخل الشباب مافي تحمل لمسؤليات معينه يمكن تشغلهم عن هذي التفاهات وبعد اقدر اقول انه المؤسسات الاعلامية جالسه تشجع هذا الشي لانها تبث هذي البرامج السية في معناها وعرضها

وتشوف كل مذيعه تتفنن في التسريحة واللبس والله لو كانت رايحه مكان ثاني ماكانت سوت كل هذا


على العموم اشكرك اخوي الغالي على الطرح المميز والله يعطيك الف عافيه يارب

راعية الشوق[/ALIGN]