اليوم قمت بزياره خاطفه لمنتديات المرأة والمجتمع( حلوه خاطفه هذي)
السوال اللي يتطارح مع نفسه...... اخــــلاقووووه وش موديك هناك اعترف؟؟؟ طيب لحظه بقول اعصابكم...ّ!!! انا الحين في صلح مع بنات المنتدى وحبيت اروح هناك لاول مره اشوف الوضع هناك واتطمن على صديقاتي البنات ........... يعني اشوف المنتدى اشيك عليه... فيه تكييف ... وضعه كويس وأن ما ناقصهم شي...تخبرون التماسيح يحبون يرفعون ضغط البنات واجد.... انا لاقي الاداره ذاك اليوم قاطعين الكهرب عن المنتدى .. والبنات قاعدات هناك على شموع .... يعني ترا جو رومانسي... هههههههههههههههههه
المهم مالكم بطويل الهرج... دخلت وادخل اول موضوع .....والقى ناعسة الطرف حاطه خلطات انما ايه.. ما تخرش الميه ولا تخرش اي حاقه تانيه... يعني على ميه بيضا... اقولكم بعضها,, ضعي بيض وكركم على عيونك لازالة الهالات السوداء حول العين ,,, واللي اعرفه ان الكركم ممكن يزيل العين كلها مهو اللي حولها ,,,ههههههههههه ,,, الوصفه الثانيه اخلطي مسحوق الكوسا مع ثلاث ملاعق طحين وعسل ولب الباذنجان.. با اختصار اي نوع من انواع الخضروات تقدرون عليه,,,لا فيه خلطه ثانيه لازالة سواد الركب والاكواع وتقول ناعسة انها جربتها وراح السواد ولو تقول لاي وحده منهن ركبتك سودا,,,, قالت لايا شيخ انا ركبتي زبده من كثر مهي بيضا وناعمه,, المهم انا طلعت من هالزياره بعدة اشياء وهذا المهم
1: نحط حارس عن باب المنتدى وما يدخل الا بنات لاني شفت كم تمساح موطوط هناك ,,, لا فيه واحد منزل خلطات ,ههههههههههههههههه
2: اذا استمر الوضع على ما هو عليه راح تلقى في مركز باريس غالوري محل خضروات صغير
وراح تكون سياسة جديده لجميع مراكز التجميل والاسواق الكبرى
3: اذا ما حطينا حد لناعسة وخلطاتها راح تلقون كيلو الكوسا بمية ريال وتصير ازمة كوسا عالميه
4: اذا فيه زواج او مناسبه لا تتفاجئ اذا قالت لك زوجتك او اختك ودني سوق الخضره
5: في وحده من الخلطات لقيت للقهوه طاري ... والله لو يدرون الشيبان يا ناعسة قصما راح يهدرون دمك.
6:طبعا كل بنات المنتدى يقولون راح نستفيد من الخلطات,,, يعني كلهم عندهم مشاكل في الركب والاكواع ولون البشره,,, وهم في كل مكان يقولون وش ملحنا وش زيننا هههههههههه
7:وحده تقول معقوله نكون بيض... لاتعليق
8: سيدتي لتكوني انعم من الزبده وابيض من سيد قشطه ,,, عليك بوصفات وخلطات ناعسة
9:في وحده من الخلطات , ,, ضعي رشة كركم,,, هذي وش تقرب لرشة عطر والا تشابه اسماء
10:شغلتين تقدر تلعب على اي احد فيهم ,,, التماسيح,, علاج للصلع,, والسحالي تبين تصيرين بيضا وحلوه وناعمه.
11:فيه خلطه في موضوع ثاني للشعر فيها عصير فيمتو,,, الضاهر الخلطه هذي تصلح لرمضان بس,, الا صحيح ليش نشرب عصير الفيمتو برمضان بس ههههههههههههههههههههههه
12:جميع الاسماء والشخصيات اللي في الموضوع لا والموضوع كله اصلا خيالي
<<<<<<<<< جته تهديدات
13: انا عرفت الحين سبب التناقص العجيب في اغراض البيوت عندنا,,,
14:سوال برئ ,,,, ناعسه الوصفات تنفع لحالتي,, مع اني اشك ان حالتي مستعصيه لو انام في سوق الخضره ما فاد فيني
15: ناعسه لو احد طلب منك خلطات بعد الموضوع هذا ..... النص بالنص لاني سويت لك دعايه..
اخوكم/اخــــــلاق
رد مع اقتباس
