[poem=font="Arial,5,crimson,normal,normal" bkcolor="transparent" bkimage="backgrounds/11.gif" border="inset,5,deeppink" type=1 line=0 align=center use=ex num="0,black"]
ياناعس الطرف يامن نظرتك تسحر = ياملح ياملح وانت السكر الحالي
معذور لو تفتخر يازاهي المنظر = محد يلومك لو انك صرت تختالي
لو تلمس الغيم لو تظلم وتتكبر = يحق لك لو سكنت ببرجك العالي
لو القمر نافِسَكْ ترى القمر يخسر = والشمس ماتوصَلَكْ بالحسن يالغالي
خدودك الناصعة أوشعرك الأشقر = وعيونك اللي أبد ماتْغيب عن بالي
ورموشك اللي تشابه صفة العسكر = فيها حياتي ويمكن قصة هبالي!!
وسنونك الثلج يشبهها ولو قصّر = معذور لو ذاب ذاب الثلج من صالي
وفويهك أقول للرمان به مصدر = والصدر ينفض مثل تيار بالعالي
هذي ملامح ومايخفى هو الأخطر = الله ياهي ملامح مالها تالي
والله لو انّي بأصلك ماني الأخبر = لقول من حمص أوأصلك هو ايطالي
لوتلبس أبيض أو الأسود أوالأخضر = يزهاك لبسك لو انه تالفٍ بالي
الناس قالوا جمال الآدمي يظهر = نايم وصاحي سعيد أو حزنه جْبالي
والشين يظهر أجل وش ينفع الأقشر = لو هو تميلح ولو هو يلبس الغالي
لو يلطخ الميك أب أصفر على الأحمر= الله يزيله عسى ماله بعد والي
لاشفت زوله خطر في بالك البنشر = مقبل ومدبر تساوى طيب الفالي
يجيك ينطز من خباله تقل كنغر = يطق علكه فصاخة والكعب عالي
يامرهف الحس يفداك العمر واكثر= ماغيرك اللي قدر يسمع لموالي
مهما عطيتك هواك بداخلي أكبر = يزول وقتي وحبك مابعد زالي
ملعون دمع لمنور بسمتك كدر = ويل الحزن كيف يغشى قلبك الخالي
ياشين عرعر لوانك ماانت من عرعر = ويازين عرعر ليامن قلت انا شْمالي
شعر \ حمدان بن سالم العنزي[/poem]
رد مع اقتباس
-new.gif)
