[poem=font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=2 line=0 align=center use=ex num="0,black"]
مشكلـة حالـة حبيـبـي مشكـلـة=عنجهيـن محتـرف شـد الحـبـال
أرخـي الحبـل ويجيـنـي يفتـلـه=تقـل أنـا ويـاه فـي جبهـة قتـال
يــا كـثـر مــا أدلـعـه و أدلله=ولا نفـع معـه الدلـع ويـا الـدلال
إن سألـتـه مايـجـاوب أسـئـلـة=و إن تركته ما سلمت مـن السـؤال
المـحـال إذا بـغـاه إستسـهـلـه=و إن عاف سهل يصير في عينه محال
أعلمـه عـن كـل شـيٍ يجهـلـه=ولا يفيـد العلـم مـع ابـن الحـلال
أسألـه كـل مازعـل وش مزعلـه=و أقول ماهو حـق تزعـل ياغـزال
والعـذر مـاهـوب دايــم يقبـلـه=يلين مرة ومرة أقسـى مـن الجبـال
يشـرح أسبـاب الزعـل ويــعلله=وأكثر أسبـاب الزعـل قيـلٍ وقـال
كـل ماجالـس عـذولـي وإعـذلـه=كـل رده إيه....يمكن....وإحتـمـال
يصـدقـه وكــل قـولـه ينقـلـه=يصدقه لو كـل هرجـه مـن خيـال
وإذا رجع لـي قـال أبيـك بمسألـه=ثـم فتـح للسالفـه بـاب ومـجـال
أستـمـع للهرج حـتـى يكـمـلـه=وأعطيه فرصة لـو يطـول بالمقـال
أستمـع لـه لـو كـلامـه بلبـلـة=لو كان مابه شي يسـوى لـه ريـال
أناقشـه مــن دون زود مجـادلـة=ولا أتحـول مـن نقاشـي للجـدال
إللا إذا صوتـه عـلا مـا أستحملـه=أقول كف الهرج و إجلـس بإعتـدال
وحـط مابيـن الشفايـف حنظـلـة=لا كـلام ولا يتحـرك لـك ظـلال
و أختـصـر زود الحـكـي و أقلله=وألقنـه علـمٍ مـن علـوم الرجـال
أن الرجـال اللـي عليهـا المرجلـة=ما تمـادى بالهـوى حتـى الخبـال
الهـوى والعشـق بعضـه مهـزلـة=والرجال تشـوم عـن كـل الهـزال
والمهزلـة راس الرجـل لا نـزلـه=من شان عين ام الدلـع و ام الجمـال [/poem]