[poem=font="Simplified Arabic,5,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
وش عاد باقي على حبك يشجّعني = قلبٍ كويته أو سنينٍ ملوّعها
مبداك بالحب لاتشره بيقنعني = مايقنع إلاّ ذليل النفس بايعها
حسنك خرافي ولكن خير وش يعني = الشمس لولا دفاها ليه نتبعها ؟!
أنا ولد ناس واخلاقي تسنّعني = أوفي ولا اخون نفس ذي طبايعها
لي عزةٍ فوق فوق النجم ترفعني = من الصغر مع حليب الأم راضعها
مادامها نار لحظة يامولِّعني = دعني أفضفض مدام إنك مولّعها
جا دورك اليوم بس اليوم تسمعني = نبشت جرحي عسى تالي منافعها
ماهمّني انت لكن مجدي المعني = بعض أغنياتي وأبي تسمع مقاطعها
الفقر ماعابني بالعكس طلّعني = لولا الحوايج ترى ماتت دوافعها !!!
عندي سؤالٍ لحوحٍ حيل مفزعني = آهات الأطفال منهو بس صانعها
لاصرت معهم ولاهاالكون ياسعني = أحلام عمري مع الأطفال ذايعها
الحزن فيهم سكاكينٍ تقطّعني = عشقي معاهم وروحي ذي مرابعها
ودموعهم نار تكويني وتلسعني = ياشيب عيني الياهلّت مدامعها !!
أغيب عن عالم الفرحة وتقلعني = ريح الكآبة على مركب شنايعها
كانك تبيني أزيدك لاتقاطعني = خل المعذّب يخصّك من فجايعها
كان الشرف مال عزّ الله بتوقعني = أبعترف بالهزيمة وانت موقعها
وإنْ كانها بالمظاهر فانت تَبْلعني = وش لون أجاريك والدنيا مجمّعها
وإن كانها صِدق ماظنّك تنازعني = إنت الخيانة على الأشهاد رافعها
خبث المآرب أبد ماهي تنوّعني = وإلاّ انت تشكيلة أطماعك منوّعها
كان الليالي صفت لك دوم راجعني = طبع الليالي يجي يومٍ تصارعها
باكر إلياكشّرت دنياك تتبعني = لابد دنياك ماتلبس ملافعها !!
وتصيح بالصوت : آه الطيش ضيّعني= لك الندامة طبول الآه تقرعها
ياجاهل الحب وش رايك تودّعني = الله يعوّض ليالٍ صرت فاجعها
هذي مناتي إذا كانك بتسمعني = وإنْ كان صابك طرش دعها لسامعها َ!!!
شعر \ حمدان بن سالم العنزي – عرعر - [/poem]