السلام عليكم ورحمة الله وبركاته
وأسعد الله جميع أوقاتكم بالخير والمسرات
أولا" أعتذر عن غيابي لفتره ليست بالقصيره وذالك لظروف خارجه عن إردتي
وأحببت أن أشارككم بقصيده بعد العوده راجيا" أن تحوز على إعجابكم
[poem=font="Simplified Arabic,5,white,bold,normal" bkcolor="transparent" bkimage="backgrounds/38.gif" border="none,4,gray" type=1 line=1 align=center use=ex num="0,black"]
ياصاحبـي لاتسألـن ليـه مقهـور=لاتنقض أوجاعـي وتفتـح سجلـه
الجـرح زاد ولانفـع فيـه دكتـور=والحـظ واقـف ماتعـدى محـلـه
من وين أببدى واتقن الشرح والدور=لهمـوم صـدرٍ إن سمعتـه تملـه
مبطي وأنا ياصاحبي أجبـر كسـور=وكسري بوسط الروح ماحـدٍ يدلـه
وأفراح وقتي شيدت دونهـا سـور=ماينهدم ليـن أهـزم ألفيـن علـه
الاولـه بعراقنـا الـذل والـجـور=والسيـف مايلقـاء شجـاعٍ يسلـه
والثانيه شارون بالقـدس مسـرور=وسلاحنـا نشـر الشعـر بالمجلـه
ياصاحبي شف دمنا صـار مهـدور=بيديـن منهـو دون مذهـب وملـه
إبن اليهودي يقتل الطفـل بغـرور=خابـر عروبتنـا تعيـش المـذلـه
ليت المذلـه طبهـا عنـد دكتـور=يستأصلـه ويزتهـا وسـط سلـه
ياليـت ماتنفـع ولاتبنـي قصـور=والمشكله زادت علـى الطيـن بلـه
ماقلت لك لاتسألن واقبـل الشـور=لامـات هـم ولابشعـري نحـلـه
العز ماياتـي كـذا بـس بشعـور=العـز يبغـى مـن يجيـه ويدلـه
هذي إفادة صاحبـك حيـل مقهـور=ياللي نصحت وقلـت ياشيـخ فلـه [/poem]
وسلامة قلوبكم
الورد لكل من مر من هنا
أخوكم
حمدان
رد مع اقتباس
المشاركة الأصلية كتبت بواسطة رهين الوقت
