[align=center]اخواني
الحمد لله الذي خلقنا في مجتمع اسلامي محافظ
ولكن هناك ظاهر آخذة في التفشي
وهي عدم مبالاة رجال(أو محسوبون على الرجال) في
وضع نسائهم وخاصة في الاسواق.
فعبرت عن ذلك بالابيات [/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تبت يد انسان ما عنده غيوره=ما كسب. مايغني عنه ولا فلوسه
تبت يد اللي فقد قوة شعوره=دون عرضه مات قلبه في حسوسه
تبت يد اللي تربع في فجوره=ماسك زمام الدياثه في دنوسه
في جواره حرمته تمشي سفوره=وان حكت بين العرب وضعه جلوسه
كتف(ن) حسور وفوقه يدلى شعوره=وغرة(ن)متكنفشه ومشيه عكوسه
ولثمة(ن)تجعل قبيحة قوم حوره=وكحلة(ن)صارت بها الرمده نعوسه
لو انثبر لو انثبر داخل قصوره=وارسل العذرى تحوسها بحوسه
ياعرب والله مصيبات(ن)نكوره=فاتل الاشناب متقوي ف ضروسه
كيف يكشف عورة(ن)ويغطي عوره=كيف يقبله شريك(ن)في عروسه
كيف ياكل خبزة(ن) صارت نخوره=اختلط فيها مع التقطين سوسه
كيف يارد مشرب(ن) حوله حضوره=من رخوم ومن كلاب ومن بسوسه
كيف ينزل منزل(ن) كل(ن) يزوره=من رفيعين المقام ومن طفوسه
كيف يقني من اصيلات المهوره=ثم تلقح من حمير(ن) في نجوسه
كيف يشري له من احرار الصقوره=ثم يجعلها مع البومه حبوسه
كيف ذاب الثلج في برد(ن)صروره=عاتيات تجمد دمي(ن) لسوسه
كيف دام الثلج في نار(ن) حروره=من لهيبه تنطفي نار المجوسه
تبت يد انسان ما عنده غيوره=ماكسب. مايغني عنه ولا فلوسه
تبت يد اللي فقد قوة شعوره=دون عرضه مات قلبه في حسوسه
تكرهه ارض(ن) بها خطوة عبوره= ودها موته ولا تحظى بدوسه
تكرهه ارض(ن)بها حفرة قبوره=ودها ما تندفن فيها رموسه
تحرم الجنه ولا فيها حبوره=في جحيم النار له راس(ن) نكوسه[/poem]
رد مع اقتباس
المشاركة الأصلية كتبت بواسطة عبد العزيز الجحدلي
