من دون أي مقدمات ... وسلام وبدون اي تخطيط مسبق
اتصلت على محمد (( ابو فيصل ))... الساعه الثانية ظهراً من يوم الخميس
قلت له اخو سارة الكويت شدينا
ملاحظه ((محمد يوم رد علي ناااااايم))
قال لو تبي كوالا لمبور تلقاني قدامك الريوس مفصول يا ابو اصاله ... بس ملابسي كلها وسخه واللي في المغسله ما تطلع إلى المغرب
قلت له : الحال من بعض .. ما عندي ملابس نظيفه ... الله يرجع أم أصاله بخير
قلت : كم يبيلك وقت
قال دقيقتين .. ارطش الوجه و ادور الجواز مادري وين انا خاشه
قلت يا الله انا جايك الحين .. وبسرعه مثل البرق
وصلت شقه محمد إلى هو مرتز بالشمس .. انطلقنا إلى البلد .. ونزلنا الملابس سفري .. وحبه شوايه مع رز بخاري نفك الريق بها.
خلصنا وحنا نقضب طريق أبو حدريه اللي كنه زبده ولا فيه مطاب ولا حفر ولا شيء ما شيات
وصلنا الحدود مع المغرب وجينا نبي نصلي المغرب والعشاء جمع وقصر (( مسافرين..... فرصه ))
يوم صاح محمد انا اخو سارة ... (( كنت أحسبه يبي يتهاوش مع أحد ))
واجيك طاير فزاع لولد عمي .. يوم وصلته لقيته يفدع بـ السفتي شوز بتاعت العمل (( الله يكرمكم ))
قال بدال ما أخذ الجوتي ابو 300 ريال وانا المع فيها من يومين مزهبها للعرس خذيت الملويات ملعونه الصلايب (( هذي مسطلح حائلي خاص بحت جداً جداً ما يفك شفرتها إلا ابو طلال))
قال رجعنا .. للجبيل .. الروحه ما بها من أولها من يشوفك ويشوف الخير
والله وانا أحاول فيه وأترجاه .. ووعدته بـ بجزمه على حسابي أول ما ناصل الكويت ووجبه عشاء دسمه +شيشه تفاحتين بحريني .. (( اللي يبي محمد يسوي له اي شيء بس يقول فيه معسل تفاحتين جديد عندي ))
وحنا في الجمارك .. لقينا شايب وطلبنا نوصله للجهراء .. والله وانا انطنخ على بالي قريبه .. واشوف محمد تعكر جوه وقام يكلم نفسه ويلعن بصوت خفيف .
قام يسولف الشايب بالطريق الله يبيض وجهه عن الإبل والحليب .. وفايدته.. محمدانطنخ واستانس وتفاعل مع الموضوع قام يبي يولع زقاره .. قال الشايب حدكم هنا .. ما اركب سياره يشرب بها المخزي ..محمد نزل وسجد سجود الشكر.. ونزل الشايب بمفرق خيران يعني ما راح نيه معنا .
(( جت من الله ما حسبت الجهراء بعيده للدرجه أول مره بحياتي اروح للكويت ))
والله وهو يسوق محمد وهو يشغل شريط سلامه العبدالله اغنيه يا علي .. ومذع من الزقاير ومساقط وحد للحريم وسبب حادثين .
وصلنا لمجمع مارينا مووووول
هذا يبي له موضوع كامل الدسم بعنوان محمد والشوكه والمكرونه والبنات اللي يضحكن عليه وهو نسى السفتي شوز .
اشترى محمد طيب عود دهن وخشب لعرسه .. وبلشني على طيب وبالاخير طلع يبي كوكو تشنل
ويوم نوينا نطلع من المجمع قلت محمد منت ناسي شيء .. قال لا جوالي وسفطي بجيبي
قلت شوف رجولك . وش انت لا بس كانك افغاني تجهز خلطه سمنت هههههههه
طلعنا .. للمقهى وهو وراي يدربي راسه ويكلم امه .. ويشوف اخر ترتيبات العرس
ما دريت إلا والصبخه(( طخخخخخخخ اي )) والتفت إلا ومحمد مشمع راسه بالديكور اللي على مدخل باب المقهى (( كان ضابط على مقاسي ))
وفي نهايه الموضوع صوره محمد بعد الضربه المؤلمه التي راحت على إثرها النظاره (واحيطكم علماً هذي رابع نظارة من عيد الفطر )
وهذا شيء بسيط من كثير
فيه سوالف في مجمع حولي الجديد المهلب اللي على شكل سفينه تايتنك (( تخيل نفسه جاك على غفله ))
والا سوق المباركيه وابشت العرس
والا وإلا وإلا
إيه قبل انسى عمركم شفتو واحد ياكل وجبتين في اقل من ساعه !!!!!!
.................................................. .........
اذا مر الموضوع بسلام ولا جاني الليله .. بكمل لكم الموضوع في جزء ثاني .
من مراسلكم في الكويت
محسن الغيثي
رد مع اقتباس
المشاركة الأصلية كتبت بواسطة أبوعبدالرحمن
.gif)
