[rams]http://www.geocities.com/mohammad_hail2000/mmamm.rm[/rams][poem=font="Simplified Arabic,5,black,normal,normal" bkcolor="transparent"bkimage="backgrounds/7.gif" border="double,4,black" type=0 line=0 align=center use=ex num="0,black"]
لا تشوف حالك.. مايفيدك غرورك=حسبي عليها .. غيّرتك المرايا
ماني بشايف فيك زود بحضورك=وماخصّك الله بشي دون البرايا
لا فلسفة سقراط .. لا الشمس نورك=يعني على قدّك .. فقير المزايا
لا تحسب إن الفكر دايم يزورك=تراك بعدك .. ماسكنت الحنايا
ولا تحسب إني غارق ٍ في بحورك=أبحرت فيك واكتشفت الخفايا
ماني من اللي يجبروا في كسورك =دامك كسير الروح .. وش البقايا
وماني ضعيف الذات ..أرضى بجورك=مروّض العسرات .. نسل الطنايا
خلّ الخيال الهش يبني قصورك=واسكن فراغ .. وإبتسم للزوايا
مادام لك وافي وهذا شعورك =ومايحتويك الحب بذيك النوايا
بنهي حكايتنا .. واقطع جسورك=دام الوصل يقتادني للخطايا
ياصاحبي الأيام تسرق شهورك =والوقت خاين .. ياخذك للمنايا
مهما علا شانك .. وأحكمت سورك=الموت جاهل .. مايعرف المزايا[/poem]
رد مع اقتباس
