[align=center]السلاااام عليكم
تحية من القلب للجميع [/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/24.gif" border="double,10,black" type=2 line=0 align=center use=ex num="0,black"]
الحيا اللي يهتويك وصَبّ في قلبـي غـلاك=كل ما قلتي خجولة قلت : بسـم الله عليـك
أدري انك بنت اصول وعاجبَتني يـا مـلاك=وش تقولين أن صدَقت وقلت قلبي مهتويـك
أقبلي مثل البدر لامـن تـلالا فـي سمـاك=وانثري عطر التلاقي والمحبـة مـن يديـك
يوم جيتي فز قلبي وارتجـف حـزة لقـاك=والمشاعر صفّقت لك والعيون تمـوت فيـك
ياهلا بك واسكني في وسط قلبٍ ما نسـاك=وحدك لحالك بوسط القلب ما غيرك شريـك
اختلاف الـراي وارد والوفـا منـي جـزاك=يمكن احيان افهمك واحيان اصوّت لك ابيـك
والله اني كل ما ذعذع من المشرق هـواك=انتهي بك في قصيدي وأن ذكَرتـك أبتديـك
كل حرفٍ من حروفي عانق اطيافك وجـاك=يفتخر فيك القصيـد وكـل كلمـة تحتويـك
جيتك بشوقي ما ابي حزنك أبي ضحكة شفاك=أشتهي موج البحر جزءره ومَدّه واشتهيك
الله اللي من كرم جُوده ومن مَـدّه عطـاك=ليه أنا ما اهواك لاجل اتوب عن ذيّه وذيـك [/poem]
[align=center]وسلامة عيوووونكم
اخوكم سعد العصيمي [/align]
رد مع اقتباس
المشاركة الأصلية كتبت بواسطة سعد العصيمي
