[align=center]السسسسسسسسلام عليكم ..
كيييييف الحال ...
طبعا هذي اول مره اكتب موضوع من تاليفي واخراجي والعاده كله انزل مواضيع والقاها في البحر :ياهو:
عموما اليوم حبيت اعطيكم احدث المواقف اللي صارت لي بصراحه مدري خلتني انصعق ولا اتفاجا مدري مدري هذي المواقف ولكم القرار ..
البارحه يوم الاربعاء الله يطول بعمركم كان عندنا بالظهران حفل تخرج لطلاب جامعة البترول واللي حاظر الحفل من قبل راح يعرف شلووون الوضوع وراح يفهمني على طول واللي مو حاظر الله يعينه بالتخيل طبعا انا من زود اللقافه كل حفل رازه الفيس هناك على غير سنع بس هالمره كانت على سنع لان مو متخرج عندنا واحد ولا اثنين الا ثلاثه ماشالله زين ماكان كل المتخرجين تبعنا ...
المهم ان هذا الحفل امة لا اله الا الله وجايين من جميع الاقطار والانحاء وانت وحظك ودبر نفسك (( يممممممممه ))
<< الخوات العزيزات جايين الساعه 8 ونص الحفل حفل ابوهم
طبعا من حسن الحظ ان صديقتنا موجوده هناك من 5 ونص يانااااس حماااس وحجزت لنا بعد ما تهاوشوا على هالمقاعد عشرين وحده ول منهم مخاريع
اليكم المشهد الاول :
انا وثنتين من صديقاتي كنا نمشي في امان الله ومتجهين لصديقتنا الرابعه واحنا بالدرج الا تجي وحده همجيه وتدف صديقتي وتدفني وتكمل بالدف المهم قامت تدف صديقتي قامت صديقتي تقول لا تدفين طيب الحفله ماراح تطير :تصفير:
قالت لها اللي تدف ابي انزل ؟؟ ( وجه يفكر ) قالت صديقتي حتى انا ابي انزل والللللللللللللله
المهم اختكم بالله فيها شر الا تبي تكمل دفها المجنونه وتجي صووووبي وتدف عااااد... اختارت الشخص الغلللللللط
قلت في قلبي والله ما اخليها العربجيييييييييه لو تموت ما مرت طبعا الاخت شايله بزر في يدها المهم قمت ورحت قدامها ردعا لها ولاشكالها جت وقااااااااااالت لااااااااااااااااا تدفيييييييييييييييييييين
قلت انا حتى انتي لا تدفين والللللللللله :تصفير: قالت بيطيح البزر من يدي قلت امسكيه عدل وماراح يطيح :اموه:
الاخت فيها شر قامت تدفني باصباعها ياعله التقطع انا يوم تدفني باصباعها قلت لالالا وخروا عني انا هنا وصلت عندي
والتفت عليها طبعا طوال الوقت احنا نتحاور بس مو مقابلين بعض المهم والتفت واقول لها
اسمعي وخري عني ولا تلمسيني احسن لك وتقووووووووم وتسوي الحركه مره ثانيه :واء:
وانا خلااااااااااااااااااااص بنتحر واقول لها قسم بالله العلي العظيم لا اكسر لك هالاصباع النتفه اخليك من جد جنيه قالت يالله يالله وريني ولا بس كلاااااااااام :واو:
قلت لها شوفي ترا انتي عقلك زي النقطه وانا اخلاقي ما تسمح اني ارد عليك فاهمه عشان كذا اسكت احسن لي بزاره قسم بالله
<< والله ان الاخت خايفه ترا هالاشكال يمشون على قاعده (( امش وكفخ ثمن اذا زاد الوضع اذبــــــــح )) يماااه
المشـــــــــــــــــــــ ــــــهد الثاني :
جوال يطيح من فوق لين تحت وسبحان الله يطيح جنبي زين ماجا على راسي .. والجوال تقولون ابو سبع ارواح يوم جت راعيته تشغله
اشتغل (( وجه ناطه عيونه )) لو انه اسفنجه مو جوال انا اول ماشفته نط علي قلت منه العوض وعليه العوض
المشـــــــــــــــــــــ ــهد الاخير :
الان الساعه في تمام الحاديه عشر لييلا ونتصل على السواااااااااااااق والاخ مضييييع ونقول له وووووووينك يقول في اراااامكوو هااااااااااه في ارامكو انت وين واحنا وووووين في النهايه مشيناااااا مسافه طوويله بغينا نمووووت لين لقيناه :زعلان:
في النهايه المقوله اللي بدرت في ذهني (( انتي يا بنت لو انك في البيت مو احس لك )) [/align]
رد مع اقتباس
ماعندي توقيع 
![الصورة الرمزية ][ابوعوف][](image.php?u=7748&dateline=1164622404 "الصورة الرمزية ][ابوعوف][")
