[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاوالله الاعاشر الهم يانوف = قلب ً عقب فرقاك ماهو بسالي
الهم والغربال والحزن والخوف = هذي حياتي يابعد كل غالي
عايش وكني ياهوى البال مكفوف = مبعد عن الدنيا بعالم خيالي
اسأل واجاوب كيف مرتني ظروف = وخلتني ابعد عنك ياكل مالي
لاوالذي حلاك يازين بوصوف = ماغبت لحظه عن هواجيس بالي
ملهوف لك والله وبالحيل ملهوف = لضحكك وهمسك والحكي والدلالي
يااحساسي بدنياي يالسمع يالشوف = يااغلى الحواس الخمس واغلى حلالي
بين الحنايا منزلك داخل الجوف = قصرا ً كبيرا ً غايةٍ بالجمالي
عقبك خلا اصبح متاهات وكهوف = مابه حياةٍ موحش ٍ بالليالي
ونقشت فيه بيوت شعر ٍ على حروف = اسمك ياروح الروح حلو الخصالي
قصدي بها لاشفتها تحن وتروف = في حال من حاله بلياك خالي
النون:نار الشوق ياشوق وصدوف = وقتي تزيد بكل يوم اشتعالي
والواو:وينك غبت وان غبت معروف =ترجع وتسأل عن علومي وحالي
والفاء:في قلبي حشا منت مخلوف = وانت الوحيد اللي بحياتي صفالي
اقولها يانوف والحال منصوف = نصفا ً قضى والنصف الآخر بقالي
بعيش به والحزن بالحزن مردوف = في خافقي ماللسعاده مجالي
شمس الامل ظني غشى صفوها كسوف = تشرق وانا عيني تحرى الزوالي
ليت الامل يشرق على حال متلوف = حتى اشرب قهوتي من احلى دلالي
ساعة لفى همي وحزني لي ضيوف = في ليلة ً مدري بها وش جرالي
كتبت لي يانوف بااحساس مقطوف = من قلبي الصادق بيوتً جزالي[/poem]
رد مع اقتباس
المشاركة الأصلية كتبت بواسطة عبدالعزيز القثامي
