:واء: سلام سليم ارق من النسيم يذهب ويروح الى ايام الابتدائي
بقول لكم سالفتي على طول لان بي نوم ومالي خلق هذره على الصبح
صراحه بسم الله ابداء
:بايو: ان فقدتوني تراني مت
لاوصيتس حسحس دقي كل يوم تأكدي
السالفه قبل اسبوع كذا
جاء لاابوي المزارع حق مزرعتنا
الي هو الفلاح دئلت
يقول ياحق ( ياحج) بس موب الحج متولي لا ابوي ..
دانا اليوم الفقر يعني اليوم الفجر
شفت حيّه
دخلت على الشقره (( يالاجودي اسمها نخله )) :برافو:
قال ابوي : شطور طيب وش سويت .. مااحرقت النخله ..
قال الفلاح : ايه ياحق احرق النخله بيروّح التمر..
ياابن الحلال يروح التمر ولا تروح ارواحنا..
المهم تناسينا السالفه مع اني من يومها وانا ماانام الا جايبه السجاده وحاطتها تحت الفتحه حقت باب غرفتي .. يعني استبق الامور .. واخاف انه ترقى الدرج حق بيتنا وتجي لغرفتي ..
الي رقت النخله موب عجزه لاترقى الدرج
الموهييييييم ..
يوم صاار امس ..
ومير يجي اخوي لمنا قال اقول لقيت السواق قاعدن يكتل (يقتل) دااب يعني حيّه برى ..
وانه لقاه تكرمون بحمامه ..
يعني هذي الحيّه نمبر توووووووووو دئلت ياويل تسبدي ياهجووووووره
وانا امس دورون ماتلقونن الا ارتجف عجزت انام الى الساعه 4 وصحيت للكلية الساعه 6 امووووت على التعذيب انا (متى يرجع الشتاء بس ونرتاح) نموت برد ولا نموت صدز
عاد ابوي عااارض جائزه للفلاح قايل له ان قتلت الحيّه لك جائزه ماليه وقدرها كيت وكيت..
يوم صار اليوم على صلاة الفجر جا الفلاح حقنا
وطلع للمسجد ولقى الحية مقتوله وقاتلها السواق واخذها لاابوي ببطوله قال ياحق قتلت الحيّه
قال ابوي لاتسذب ذي ثانيه تو السواق قايل لي السالفه وعيالي شايفينه
لا البلا معلقها على رقبته يقول ابوي..
هالاخوان المصريين .. :احم:
يااربي والحين اراسلكم من غرفتي..
والسجاده تحت الباب ..
والدروج حقات غرفتي مسكرات
والدولاب مسكر
وماهناش نقر بغرفتي الا حبرشت فيه
وعجزززززززززززززت انااااام خااااااااااااايفه..
وتوته توته خلصت الحتوته :مدري:
رد مع اقتباس
