اسعد الله مساكم جميعا بكل خير
اقدم لكم قصيده ترددت كثيرا في نشرها ولا اعلم لماذا فقط هو تردد في ذاتي اجهل اسبابه..
ولكن بعد عميلة الضغط اللتي واجهتها من اصحابي ورغبتهم في نشرها..
البي طلبهم على امل ان تكون حقاً تستحق هذا العناء..
القصيده واقعيه وعايشت لظاتها وكانت الوالده الله يحفظها من وقت الى اخر تقول متى افرح فيك ومن هنا كانت القصيده:
مهرة احلامي
قالت امي ياولدي العمر مافيه ثان
...........................ودي افرح بزواجك قبل ما تاتي المنيه
قلت يامه جعل يومي قبل يومك وبزمان
...........................ماسكن قلبي وعقلي في حياتي اي صبيه
انا حلمي فارسه ما جهلت ركب الحصان
...........................انا حلمي فوق تصوير الحروف الابجديه
ابيها نايفه تجمح وتطلق في الشموخ عنان
...........................ابيها تلعب بقلبي بكل روحه وجيه
ابي شعرها ليلٍ يداعب طرفها النعسان
...........................وابيها عينها بحر ومحجرها سماويه
ابي فمها قطعة فراوله والشفايا لبان
...........................وابي خدودها ازهار بالوان ورديه
ابي خصرها سيلاً يمني قطعة الفستان
...........................وابي اقدامها تعزف بمشيتها غنائيه
ابي يدها ريشه ترسم في الهوى الوان
...........................واصابها زهر نرجس وكفينها المزهريه
ابي رمشها لا ارمش يحرك قسوة الجدران
...........................وابي اهدابها تلمع على نظرات نجديه
ابي انفاسها عطر وخزامى وطيبها ريحان
...........................وابي في اسلوبها غنج ماشفت انا زيه
ابيها لا اسكتت تسكت جميع الناس والاعيان
...........................وابيها لا حكت تطرب كنها الحان موسيقيه
ابيها قمرة تضوي زوايا الليل والاركان
...........................وابيها شمعه تنور ليالي حب زهريه
ابي ضحكاتها برق وثناياها قطع رمان
...........................وابي بسماتها طفله تفرح يوم عيديه
ابيها لوحة اجمل طبيعه في شكل انسان
...........................تصورها عيون الحب في لوحات جماليه
ابيها مثل تاج الفوز منى وغاية الخسران
...........................ابيها فخر هذي الارض وابيها حيل نشميه
ابيها حلم حريه بعين مخلف القضبان
...........................ابيها احلى من هيفاء ونانسي العجرميه
ابيها شاعره تقصد وابيها تنزف الاشجان
...........................ابيها تجنن قلوب مثل ليلى العامريه
ابيها لا انطقت بيا تفز ليائها العربان
..........................ابيها عادله في الحب وابيها ظالمه شويه
ابيها لا جارت اوقاتي جتني تقول انا يافلان
..........................تواسي ضيقتي قربي بطيبة قلب وحنيه
ابيها لا رضت كنها سحابه تمطر الهتان
..........................وابيها لا ازعلت تقلب هالدنيا عليه
ابيها بنت يعني بنت عذرى عاليات الشان
..........................ابيها بنت ماتعرف كثير اشياء غربيه
ابيها اجمل من اللي ذكرته ياغلاتي الان
..........................هذي فتاة احلامي ابيها علاقه زوجيه
شوفي بنت هالسيره ودليني على العنوان
..........................وانا من بكره اتزوج في ليله رومانسيه
وافي الوعد
رد مع اقتباس
المشاركة الأصلية كتبت بواسطة وافي الوعد
-new.gif)
