[align=center]
...ميولي هلالي...
..وكلي هلالي..
وكلٍ وله ميوله الرياضيه
.
.
ولكن
مــــــــــــزجي
.
.
والـــــــــبــــــــــــ ـر..
وكنت..على موعد..مع........؟
على نهاية عطلة الاسبوع ؟
ولكن
قال انتظر حتى نشوف .....المباراه.....؟؟
الا ان الوقت ليس وقتها
هذا السبب
,
ياخوك قلبي مايحب المباراه
.............. ولاله على شوف الرياضه مزاجي
(توه يقول ميوله هلالي)
,
,
لذلك اتت بهذا الشكل
,
بعد الغياب اتمنى ان تتسع لها قلوبكم النقيه
,[/align]
[poem=font="Simplified Arabic,4,crimson,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياخـوك قلبـي مايحـب المبـاراه=ولاله على شوف الرياضه مزاجـي
شفي بشـوف البـر لازان مفـلاه=وروضٍ تدارج به فروخ الزراجـي
قلبي يحب البـر ويحـب طريـاه=وشوف الدبش وسطه يزيد ابتهاجي
وشوف البيوت مروبعـاتٍ مبنـاه=في خايـعٍ ماكثـر فيـه المداجـي
وشوف الرجال اهل الفعول المسماه=وكل ابلجٍ قـرمٍ طليـق الحجاجـي
واحب انا الطيـب واقـدر مخـاوه=وشربي قراح ولاشربت الهماجـي
واحب انا اللي تفعل الطيب يمنـاه=ماصك بابه عن ضيوفـه وماجـي
من طيب ابوه وطيب راسه ومجناه=طيبه وقف له وسط ذيك المحاجـي
وماكـل شـيٍ نطلبـه وانتمـنـاه=نلقـاه لكـن نسئلـه بالخـراجـي
,
, [/poem]
[align=center]صـوت اتـى مــن بعـيـد
والـــشــــاعــــر
عـبـدالله بــن ابراهـيـم
,
.[/align]
[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الله على اللي هيض القلب بغنـاه=ساعة سمعته صار عندي عجاجي
اطرى علي البـر والبـر طريـاه=لاسمعهـا راعيـه زاد انبلاجـي
وقلوبنـا يابـو محمـد مشقـاه=بفياض نجد وشوف ذيك الفجاجي
وابشر ترا ربي عليها نثـر مـاه=في مقدم الوسمي بها السيل راجي
واليوم عشبه مازمى من غطـاه=وفيه العذارى يلعبـن بالحواجـي
والجيب يابعيد الديـار اشترينـاه=من معرضه ماهو بخردة حراجي
سير علينا يافتـى الجـود تلقـاه=قل تم خلك سمح كب العاواجـي [/poem]
[align=center]
ابو ابراهيم لاعدمتك
والله اني سمح ولاني بعوج[/align]
رد مع اقتباس
المشاركة الأصلية كتبت بواسطة فالح الشلوي
