يا اخوان والله اوسخ شركة حاليا موبايلي ... انا كنت من ضمن اول عملاءهم ومحول جوالي رقم مميز من الاتصالات اليهم في عام 2008 واسدد وملتزم بالسداد شهري لجوالين مفوتر مع انه في بداية اشتراكي معهم نزلت عليه مبالغ وانا لسه ما استخدمت الجوال اصلا !!
تخيلوا توها الشريحة ما اشتغلت اول ما تشتغل اجد امامي مبلغ 8 ريال مكالمات غير مفوترة !!
 وحينما اشتكيت واثبت بالدليل اني لم استخدم الشريحه قالوا نعوضك وقعدت لحدما نزلت الفاتورة وبعدين خصموها وما بغوا يخصموها ..
 المهم بعد سنتين خدمه مسوين دعاية ان النت بالكونكت 3G في جميع مناطق ومحافظات المملكة ولما كلمتهم عشان يشغلوا لي الباقة المفتوحه شغلوها وجدت للاسف انه خدمة الاتصال زي الزفت سيئه جدا وانقطاع وتحميل ابطء من الدايلوب فكملتهم اليوم الثاني انه الخدمه سيئة وارجوا ايقافها عني او تعويضي فطلبوا تحديد منطقتي والحي وخلافه ولما قلت لهم افصلوها قالوا لا انتظر لحدما يتاكد القسم المختص من المشكلة وبعدها سوف تعوض وتحذف عنك المبالغ المحسوبه المهم قعدوا شهرين كلما اكلمهم يقولون نفس الكلام !!
 وكل مرة تنزل الفاتورة المبالغ محسوبه 350 ريال عن كل شهر فقط قيمة الباقة من غير المكالمات ... وارتفع ضغطي اكلمهم يقولون المشكلة تحت الاجراء لدى القسم المختص وسوف يتم الاتصال بك ولن يضيع حقك سوف نقوم بتعويضك وحسم المبالغ وانا منتظر طول هالوقت لا اتصل نت ولا استفادة ولافصلوا الباقه .

 وبالنهايه فصلوا عليه الخدمه بغرض السداد !! تخيلوا اروح للافرع واسوي ايميلات للادارة وشكاوي ولا حياة لمن تنادي تهميش واستغفال واروح لمدير الفرع الرئيسي يقول ما عندي شيء كل شيء بيد الادارة طيب ياخي خاطبهم .. يقول لي ما عندي غير عن طريق الايميلات وشوفهم ما يردون على بلاغاتك بالجهاز !!!!!! روح لهم بالادارة الرئيسيه بالرياض او جده ( سماجه وربي )

بالله وش رايكم وبالنهايه انقهرت وطنشتهم ورميت الشريحه وقلت خلهم يتصلون بي واقول لهم نفذوا التسويه لي وانا اسدد مكالماتي وافصل شريحتكم ..
اخر شيء اتصل بي القسم القانوني و قسم التحصيل يهددوني برفع اسمي لسمه وانا مظلوم قلت لهم عندكم اكثر من اعتراض والمكالمات مع موظفيكم مسجله عطوني حقي وانا اسدد باقي المبالغ اللي عليه وافصل شريحتكم قالوا نكلم القسم المختص ونرجع لك !!!
 اخر شيء ما عاد احد اتصل بي وفجأه اجد اسمي بسمه بلا وجه حق وهيئة التصالات نايمه رفعت لهم اكثر من اعتراض ومثبت بالفواتير والمبالغ المسددة طول اشتراكي وكل مرة اتصل بهم يقولون ما وصلنا شيء ( هيئة مفرغه لا اهتمام بشكاوي العملاء ) حسبي الله ونعم الوكيل الله لا يربحهم ،، :ranting: