السلام عليكم .
مصافحه واشكر ابو سيف على الدعوة
[poem=font="Simplified Arabic,4,black,bold,italic" bkcolor="transparent" bkimage="backgrounds/17.gif" border="none,4,gray" type=1 line=1 align=center use=ex num="0,black"]
أنا كيف أبضحك يافهد والغلا محيوس= ألا وآعذاب اللي عليه الغلا منحاس
أنا كل ماجيته يقف دونه المتعوس= ألا لعنبو حظٍ وقف لي كما الحراس
وطبع الغلا دايم حياوي تقل ملبوس= خجولٍ رقيق الحس ماينشد الجلاس
ألا ليت ملهوف الحشا بيّن المدسوس= عطاني جوابه قبل لا تدري الانجاس
أبشرح له اللي صار بالواقع الملموس= وأبمسح دموعه لابكى خابره حساس
بضمه على صدري واقول إسمع الهاجوس= تسمّع لنبض الخافق اللي غدا هوجاس
وابـ حلف يمين الله ماهي يمين اغموس= أحبك,, وأحبك حب من دون كل الناس
أنا صابرٍ والصبر له حد يالمحروس= وقلبي على جمره وتسبدي على محماس
وأنا لوبغيت أنساه جاني كما الكابوس= يجيني هجاد الليل ويصيبني وسواس
ترى حب بعض الناس ماينشرى بفلوس= ولو تدفع المليار ماينحني بالراس[/poem]
وسلامتكم ....
رد مع اقتباس
