[poem=font="Simplified Arabic,4,black,normal,normal" bkcolor="white" bkimage="" border="none,4,black" type=1 line=0 align=center use=ex num="0,black"]
مرحوم يالله رحل عنا بعمر الزهور=يحسن عزانا ويلهم والديه الصبر
يجبر عزانا ويغفر له رحوم ٍ غفور=جاعل منايا عباده من خفايا القدر
مرحوم ابو سيرة ٍ عطره وفّي الشبور=دمث السجايا مابار بيوم ولاغدر
مؤمن بلاشك لكن لابكيت معذور=يهون دمع ٍ على عبدالعزيز إنهمر
لو البكا لابكينا يرجع أهل القبور=ماكان والله دفنت أبوي وسط القبر
مهما صفى الوقت للمخلوق لازم يجور=إن مالفى له خبر يرّد عنه الخبر
دنيا بها العبد سالي والليالي تدور=ومن دور الأيام تعطيه الليالي عبر
مهما تغرد سعاده وإبتهاج وسرور=لابد من عاش صافيها يعيش الكدر
لابد من قابض الأرواح يوم ٍ يزور=ماعنه مجناب لاوالله ولامن مفر
مايترك الموت راع الجاه راع القصور=نهاية الحي مهما طال فيه العمر
ماحي دامت له الدنيا بكل العصور=إلا سلا الموت مده ماسلاه الكبر
يالله ياعالم ٍ في خافيات الصدور=تجعل مقره جنان الخلد يوم الحشر[/poem]
رد مع اقتباس
