[align=center]
أجمل الأوقات وأسعدها لأحبتي الأفاضل
كم أنا بإشتياق للتواصل معكم
بعد غياب قصري لظروفي الصحية
دامت لكم الصحة والعافية
وبلامقدمات أجدد تواصلي معكم عبر هذه المشاركة
التي آمل أن تلاقي القبول لديكم[/align]
[poem=font="Arial,4,blue,bold,normal" bkcolor="transparent" bkimage="backgrounds/24.gif" border="inset,9,gray" type=2 line=1 align=center use=ex num="0,black"]
حبيت (.....) وكل أهل (.....) من شأن=حورية ٍ بالماريوت ولعتني
ألوياأناغلطانة ٍ ياأنت غلطان=من هاتفك رسالتك كيف جتني
قلت أبدامغرم وعاشق وولهان=وطلبت فرصه للحديث وعطتني
قالت سؤال بدون لف ودوران=ماتدري إن رسالتك حيرتني
الرقم جبته كيف قلت أناذيبان=ولا أضيع الفرصه إلى صادفتني
سكران لاوالله مانيب سكران=لكن طواريق الهوى متعبتني
تطمني ماعندي علوم سفهان=وإن كنت مجنون أنتي مجننتني
أثنينناسواح في برا الأوطان=وعرفتها في نفسي وعرفتني
وشلون عبرالهاتف أعطيك برهان=وشلون أبري نفسي لمتهمتني
إلى إلتقيناخوذي الكان والمان=وين الوعد بالمنتزه واعدتني
الحظ صحصح بس مازال نعسان=ورجيت فيه الله بعد قابلتني
ومع زينها الفتان رحت بخبركان=والكف من لامستهاقيدتني
اللي عطاها الزين خلاق الأكوان=قبّـلت روحي لحظة إستقبلتني
مع خفة الدم أطرق الرمش فتان=أعلنت الإستسلام وإستسلمتني
على ضفاف النيل يابيه نعمان=خشيت جو ووقفتك مزعجتني
ماني على الجيه يانعمان ندمان=دكتورة ٍ جراحة ٍ عالجتني
من دون منظار دخلت كل شريان=وعطفت على حالي ولاشرحتني
وغنيت وسط المنتزه زين الألحان=وعلى اللحن والقافيه جاوبتني
ردت علي الروح مجزية الأحسان=قد كنت كنت وكانت وكونتني
وأصبح لهافي داخل القلب مسكان=أرست قواعدها ولا شاورتني
أعطيتهاالأمان وأخذت الأمان=درة وناسه بالسماء طيرتني
حبي لهاماحبه إنسان لإنسان=ونفس المشاعربالغلا بادلتني
إهديتهامن لاهب الشوق ديوان=ومن بحثها بالجامعه زودتني
حسيت في يمناي خاتم سليمان=لكن هبوب الريح ماطاوعتني
وفي غمرة الأفراح حان السفرحان=من الخطوط مكالمه فاجأتني
ولاعاد أميزكن فيني عمى ألوان=وعميت كلي عقب ماهاتفتني
في ضيق وبدمعه وبآهات الأحزان=قبل المفارق كيف لافارقتني
أكيد هذا الموت نفسه زويان=وخوف ٍ عليها رحت ماودعتني
الحب قبلي لوع فلان وفلان=ولاتطلبون الثأر كان أهلكتني
أنامع أخو ٍ غير عن كل الإخوان=ماهمب فيه العارفه لايمتني
بعد الله ألجأ له على جور الأزمان=ولاأزمل وهو زندي وعضدي ومتني[/poem]
[align=center]
تحياتي للجميع
أبوةسبيل[/align]
رد مع اقتباس
