العزوبية اللي حالتي وحالة اغلبكم يالطفرانين مساكين خاصة في رمضان وأقصد اللي ساكنين لحالهم بعيد عن اهلهم ... :(
تلقى الواحد منهم هلكان اخر الدوام وبعد الصلاة يطب للفراش على طووووول وهات ياسمفونيات بيتهوفن ... (شخير) يصحي الجيران!!!
بالنسبه لي أرحم شوي على الأقل انا احترص وأحط شطرطون على فمي أوفر على نفسي التكفيخ اللي بيجيني من جاري (أبو تكشيره) ... عليه يد تقول مطرقه .... وسالفة ابو تكشيره هذا طويله الزبده انه الظاهر مابحياته ضحك أبد (جابته أمه وهو كذا)!!! شكلها متوحمة بمقدمين تلفزيوننا العزيز (غصب 1 وغصب 2 )!!! ماعلينا.
بعد توقيت الساعة الى قبل الاذان ب10 دقايق نصحصح حنّا حزب العزوبية علشان نجيب فطورنا من أبو هنّود وطقتهم ... صح ان البطن يدّهر (مغص) لكن الشكوى لله مالنا إلا الله ثم هم ... ولاّنجلس على جوعنا ولا ناكل!!! :(
ولأن الموضوع بيطول لو بتكلم بالتفصيل عن كل مواقفنا... نخليها عن الأكل برمضان وحالة اللي وده يطبخ بنفسه مثل اكثر ايامي ... على بالي (الشيف رمزي) !!!
عاد الطبخ ذا قضية لحاله... صحيح أدلع نفسي وهات يأنواع الأكل من السمبوسه والشوربه والمكرونه والقهوه والتمر ومعها عصير البرتقال اللي على كيفك وشوية حلى مثل كريمة كراميل من البقاله ... بس كل نوع من هالاكل له سالفة !!!
اولا// السمبوسه ... بعد تحضير اللحم المفروم مع البقدونس والكراث عشان نحشي والديها في العجينه حقت السمبوسه .... ونقرب العجينه اللي يالله تفككها من بعضها!!! تحط السفره ويالله تعال شوف الشغل ... ياشيييييييييييخ السمبوسه اللي مفروض تطلع مثلثة من تحت يدّي طلعت شيء غييييييييييير ... طلعت اشكال هندسية جديدة بدري على ابن أمه بالرياضيات والفيزياء يحدد وصف هالشكل الجديد !!!!!!!!!!!!!!
بس على كذا (( المهم هو الطعم وليس المظهر )) يعني اعجبكم ...
ثانيا // المكرونه ... هذي المسكينه ماودي افضّح فيها وش يصير لها بالقدر !!! مرة تلقى خيوط المكرونه بعد ماكانت كنها وحده شامية تلق بالبياض ... صارت مثل سواد مستشارة الأمن القومي الامريكي !!! لأني نسيت النار ولا طفيتها!!!
واذا يقال لي فاهم ومنتبه للطبخه (أحيانا) تلقى المكرونه تطلع من القدر وتتفل الماء !! أثر الأكل ماله طعم .... تدرووووون لييييش ؟؟؟؟ لأني نسيت احط الملح!!!
بس على كذا (( المهم هو الطعم وليس المظهر )) يعني اعجبكم ...
ثالثا // الشوربه .... وااااااااه يالشوربه والله ياناس هي اللي عجزت احكرها الى الأن !!! والله العظيم تطلع كنها خلطة اسمنت !!! ماتدري انت ودك تاكل ولا تليس جدار البيت (استغفر الله) !!!:
بس على كذا (( المهم هو الطعم وليس المظهر )) يعني اعجبكم ...
[IMG]http://shmeee6.********************************************/images/dallani2.gif[/IMG]
رابعا // القهوة والتمر ... القهوة تشربها ماتدري هي قهوة (صدز) ولا مويه مطبوخه بهيل !!! تشربها بالشم يكفيك من قوة الهيل اللي حطيته !!! والتمر ياشيخ لو ترميه براس واحد ماتواطنه تشق راسه !!! اللهم لك الحمد ... بس ترى عجزن اروح اشتري تمر اقول كلها يومين بتمشي لأهلك ياولد بلاش مشاوير ... الظاهر فيني عرق زوَله!!!
[IMG]http://shmeee6.********************************************/images/fahadsaad_zzy2EL.jpg[/IMG]
بس على كذا (( المهم هو الطعم وليس المظهر )) يعني اعجبكم ...
خامسا // عصير البرتقال .. على انه اسهل شيء بس يامره تلقاه ماء اصفر ولاّ تلقاه دبس
بس على كذا (( المهم هو الطعم وليس المظهر )) يعني اعجبكم ...
الله يرحم الحال ياعزوبية ... لو أم العيال موجوده كان ريحتنا ام الكرف ذا كلللللله ... بس ماعليه الواحد يطلع بفايده عشان لو حصل ظرف مع زوجة المستقبل ... أما كارشتني برّا البيت يوم أطول السهر مع الشله يصير اقدر اسوي الفطور عند خويياي !!!
ولاّ انها تطلع حامل ومسوي فيها مخلص واسوي انا الفطور اللي يسقط لها الجنين بربع ساعه من كثر ماهو صحي ولذيذ!!!!:
واقول للي مو عاجبه على الاقل احسن من غيري اعرف اسوي شيء ... انتم لو تدرون كم طبخه اسوي بس كان صدقتوني ... اكثر من 20 طبخه !!! 15 منها بيض!!!!!!!!!!!!!!( بيض مسلوق ، بيض عيون ، شكشوكه ، بيض ساده ، بيض بملح !! ، بيض بدون ملح ، صفار بيض ، بياض بيض ، الخ الخ الخ ... لو بكمل مايوقفني الا طريق الملك فهد من الزحمه!!!!)
وهذي حالة واحد من اخوانكم المحتاجين للعون في رمضان وغيري الكثير ... انجدوا اخوانكم العزوبية في رمضان !!!
[IMG]http://shmeee6.********************************************/images/entertainment-02.gif[/IMG]
وان جيتوا للجد ترى من جد أعجبكم ... وياحظها (بدون كبر) اللي بصير لها اذا الله كاتب لي زواج لأني من المناصرين وبشدة (لمساعدة) الزوجه في المطبخ ... ولاحظوا ياللي تخالفون...مابين القوسين ... المساعدة ... يعني القصد مو امسك مكانها واشتغل شغل البيت لكن عشان تدوم المحبه...(سويت فيها) .. المهم اني طباخ بس ما اوصل للإحتراف وعلى الأقل احسن من بنات هاليومين ... اللي احسن شيء تسويه طلعة السوق بسبب وبغير سبب وزين لارحمة حالتنا ولا زودت همّنا بلبس المخصّر اللي يقطع القلب !!!!
[IMG]http://shmeee6.********************************************/images/3abaiat2010[1].jpg[/IMG]
===========================
مقاطع من انتاج المطبخ العزوبي...
[IMG]http://shmeee6.********************************************/images/vv3.jpg[/IMG]
من انتاج مطبخي العزيز (صفقني ياشيييييخ)!!
[IMG]http://shmeee6.********************************************/images/roachliv.gif[/IMG]
شيء أساسي في مطابخ العزاب!!!!
[IMG]http://shmeee6.********************************************/images/اسبرين.jpg[/IMG]
نصيحة تخلون الأدوية قريبة اذا أكلتم عند عزوبيه!!!
مع تحيات معذّب المطبخ !!!
منقول ومعدل وعليه بعض البهارات من قبلنا ,,,