[poem=font="Simplified Arabic,4,black,normal,normal" bkcolor="transparent" bkimage="" border="double,4,darkred" type=1 line=0 align=center use=ex num="1,black"]
بسم الخداع اللي جرح دمع العيون=بسم الوهم بسم التجافي والضياع
اببتدي واحكي حكايتنا بجنون=واقول ياناس الهوى زيف وخداع
كذبة ولا ادري وين اولها تكون=كذبة وتاليها ألم جمر الوداع
هذاك خلي يوم يحلفلي يصون=يقول لايمكن ابيعك باقتناع
مثّل علي عاشق محب مخلص حنون=لين كلي صار له زاد ومتاع
ارخصت كل غالي لجل عينه يهون=وارخص حياتي والهوى عنده مباع
راح وترك لي دمعةٍ وسط الجفون=تسهر تنادي ليه بس الغدر شاع
الله حسيبك ياللي خيّبت الظنون=الله حسيبك كان بدّلت الطباع
اصبحت مدري من انا ومنهو اكون=والحزن في عيني ظهر والصيت ذاع
قالوا فلانة غرّها حب العيون=قالوا تحب وحبها عاصي مُطاع
بدعي عليك ابحالتي هذي تكون=يشمت عدوك فيك وتبقى في صراع
ابغى اعلِّمك الهوى وشلون يكون=وشلون اذا حبيت ماتسكن بقاع
الهوى من قلب واااحد ماله لون=كنه مركب تجري..لاشط وشراع
وان صار من قلبين ذا والله الجنون=هذا هوَّ الحب وغيره لا يُطاع[/poem]
رد مع اقتباس
