الكلام الزين نطقه بالسهوله
.....................ولاطلع منك الصحيح ابرا العماسي
لازم الرجال يعرف مايقوله
.....................قبل مايطلع يقيسه بالقياسي
مثل من قام يتغزل في عذوله
.....................مير مدري طيش ولامن حماسي
مع رجال العرف لايشعب ذلوله
.....................يوم لاهو لااديب ولاسياسي
البشر يمتاز كله من عقوله
.....................ميرتال الوقت جاء فيها انحياسي
كل شخص تميزه وجهة ميوله
.....................كان ميله صح ولافانتكاسي
الكلام ان دل قصره خل طوله
.....................وش وراكم يامطولة الحساسي
الجبل صفق الهبايب ماتزوله
.....................ولاتاثر فيه من ضمن الرواسي
والزمان يدور فيه اربع فصوله
.....................بين برد وحر مع لين وقاسي
شاعرٍٍ فالشعر لي صوله وجوله
.....................شاعرٍ دون الوطن مالان باسي
قامت الثورات دوله بعد دوله
.....................والمحلل طول عمره دبلوماسي
يالله تحفظ البلد عرضه وطوله
.....................ويالله تطول بعمر اهل الكراسي
الرجال اللي مواقفهم بطوله
.....................فعلهم مثل الذهب ماهو نحاسي
خادم البيتين بينتن فعوله
.....................مكرم الايتام مثل طويق راسي
وسيدي سلطان ياتي في حلوله
.....................رمز شهم لكل منضامن يواسي
ونايف اللي قاتل الارهاب زوله
.....................دون شعب المملكه رد الخساسي
رد مع اقتباس
المشاركة الأصلية كتبت بواسطة عبدالله الــروقي
