المشاركة الأصلية كتبت بواسطة فراج العتيبي
السلام عليكم ورحمة الله وبركاته
مبطيٍ ماشاركت وقلت اشارك
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياصاحبي جرح المحبين مخطور = وانت الدوا للجرح وانت الطبيبي
حنا اتفقنا بس لاتخلـف الشـور = إني نصيبك مثل مانته نصيبي
لازمك في كلمة وفا جالها دور = و وعد زياره منك عمّا قريبي
تعوضني في غيبتك لذة حضور = وإن غبت لين تغيب ياشيب شيبي
الوصل غيمه والصدر ممحل شهور = يوم استهلت جا مطرها صبيبي
تمطر على قاعٍ يجي نبته زهور = من جاله الاقصى ليا اقصى الشعيبي
خل الكلام يطول والليل منثور = وخل الشعور الحي منك يغديبي
ليلك عتيم وصبحك يشع به نور = يشرق على الكون الفسيح الرحيبي
ونظرات عينك ترسل سبور وسبور = وسلهامها طعنات كف الحريبي
وانا اكتبك شعر واحاسيس وشعور = وانادي بثاري ورمشك طليبي
اما انتقاضى منه وانحلت امور = ولا ترى جرح المحبه عطيبي
ولا تعال اسئلك لاتلف وتدور = انته حبيبي ولا مانته حبيبي !!
[/poem]
وسلمتو,,
رد مع اقتباس
