بين الحقيقة والخيال
حلم روح .... وروح حلم
ينتحر تحت الجدال
****
الحقيقة .... الحقيقة
انتظر .... لحظة ... دقيقة !!
هو باقي عندي حقايق
ما أظن
هو أنا مثل الخلايق
ما أظن
انتهى وقت الدقيقة
*****
الحقيقة
إنك بعيدة هناك
وأنا عن شوفك بعيد
احتري لحظة لقاك
والزمن دايم عنيد
والخيال
إني أنا أشوفك هنا
لا دموع .. ولا هموم ...
ولا فراق ولا عنا
انتهى وقت الدقيقة
*****
الحقيقة
أنتي دايم في خيالي
وأنا " آخر اهتمامك "
وإني أعاني لحالي
وأنتي ما همّك ,, علامك ؟!!
والخيال
كلنا داخل إطار
اثنين في وسط الرصيف
إن بغينا شئ صار
ننفض أوراق الخريف
انتهى وقت الدقيقة
*****
الحقيقة
إني أكتب لك قصايد
وأنتي لي كل المشاعر
من يقول إني " محايد "
أنا لأجلك صرت " شاعر "
والخيال
إنك أنتي تكتبين
لي قصايد في الغرام
عن " حياة المغرمين "
أو " أساطير الهيام "
انتهى وقت الدقيقة
*****
الحقيقة
هو بقى عندي حقايق ؟!!
أيه باقي
باقي كلمة في خفوقي
انطقيها بكل " قلبك "
كلمة اجتاحت عروقي
انطقي كلمة " أحبك "