الفريق الاولمبي كله نجوم رغم عنك وعن غيرك.. ورجاءا لا تبدأ في تحطيمهم وهم في بداية المشوار..واذا وقعوا في نفس الاخطاء فهذه مشكله المدربين والاداره اللي تشوف اللاعبين يقعون بنفس الاخطاء وساكته ... طبيعي طبيعي جدا لاعب في مقتبل عمره يخطيء.!! الغريب انك متحامل عليهم مره مره..؟ وان يوم تقول مافيه نجوم شكلك تدور رونالدو صغير ولا ميسي نسخه سعوديه.. هع هع


المشاركة الأصلية كتبت بواسطة الاسطورة m9
الصراحة الامل بعد الله في مصعب والرشيدي والنصار والذيابي وعلي فتيني والعازمي فيهم رجاء بس يحتاجون مدرب يصقل مواهبهم

ويحفزهم ويعطيهم جرعات تدربية اضافية ومشكلتهم لم يجدوا مدرب مميز بعد رحيل البرازيلي ادقار

للاسف في النصر هناك تجاهل تمام للقدرات التدريبية والان نجني ثمار هالبربسه وشغل ماعليك من احد شدوا حيلكم ياشباب

الجمهور عاطفي والنجوم السابقين يبون مناصب حتى يسكتون عن النقد وهالشي الي ضيع هالمواهب
انتهى..
!!




الفريق مشكلته ان النجوم تتكسر وتتحطم بسبب عدم اعتماد الادارة عليهم.. فلو كان هناك فكر عند كحيلان وادارته.. لصعدوا على الاقل ستة لاعبين للاول وكلمة تصعيد يعني انسوا شي اسمه اولمبي..مو سلف مباراه واردهم..للاولمبي..!!
على الاقل تكون فريق شباب صغار يشيلون النصر مستقبلا بعد صقل مواهبهم عن طريق مدرب فلته يفهم يتعامل مع الشباب الصغار مو رايح تمشي مليون وتصرف ملايين على القحطاني ومالك معاذ وطقتهم.. هذا العم الاداري الصحيح تصعيد 6 لاعبين من الاولمبي وتطعيمهم بلاعبي خبره من الفرق الاخرى .. وراح نستفيد كثير من التصعيد اولها:
راح تجد الصغار عندهم روح قتاليه لثبات انفسهم ويعطون التدريبات روح جديده..
ثانيها..:
اللاعبين الكبار يخافون تطير مراكزهم بسب الصغار وراح تجد انهم يعملون لاثبات انفسهم من جديد..
وبكذا انت خلقت جو من التنافس بين اللاعبين ..وبالضبط هذا ماينقص النادي والفريق..بلاضافه الى حفظ حقوق اللاعبين

هذا بالضبط مافعله الهلال .. وشف كيف اداء لاعبيه الصغار.. احنا ينقصنا بادارة النصر واحد يفكر صح مو تفكيره كيف اخرب عل الهلال وغيره..وقالوا قديما من راقب الناس مات هما ..

ولكن كما قال الشاعر..:

لقد اسمعت اذ ناديت حيا..ولكن لاحياة لمن تنادي

اعضاء العالمي.. السلام عليكم ورحمة الله وبركاته..

ماترونه في الاعلى هو رد لي على بعض الردود في موضوع لعضو يتحدث عن الاولمبي..

الرد هذا حرك فيني بعض الامور تجاه حبيبي (( النصر ))..اكتشفتها بالصدفه..من خلال حديثي عن موضوع الاولمبي.. وربما هذا مانحتاجه فعلا للنجاح ..: وخرجت بعدة امور ...

فعلا احنا ليش ماشفنا ولا لاعب من الاولمبي يتصعد للاول..؟ واذا خربوها ادارتنا طلعوه اخر الموسم ولا كم مباراه وارجع مكانك..؟

مدري هم كيف فاهمين الموضوع.. ينتظرون الفريق الاولمبي ياخذ كاس العالم للانديه عشان يصعدون لاعب من عنده بشكل نهائي..؟

انديه مجاوره لاعبيها اللي كانوا في يوم يعدون من الصغار اصبحوا كبارا الآن..؟

ولاعبين النصر لو تحب الثريا ماتروح الاول..!! الموسم للي راح كانوا نجوم وكادوا ان يحسموا بطولة فيصل.. خسروا السباق في النهايه..ولا حتى كلفنا انفسنا وكرمناهم او عملنا لهم حفل يرفع من معنوياتهم..!!!

الموسم هذا هبط المستوى بسبب لان ادارتنا ببساطه لا تعرف التعامل مع النجوم..!! ولا تعرف كيف تصنع من اللاعبين نجوم..!!

لان البعض لديه من المواهب الكثير فقط يحتاج لخبير يستخرجها منه ويعمل على صقلها..

يخطيء من يعتقد بان النصر مشكلته في فريقه الاول ..؟فالمشكله تبدأ من هنا من الفريق الاولمبي..

الان الجماهيربدات تسير على خطى الادارة واصبحت معول هدم للاعبين بالسب وانت فاشل وماعندنا نجوم ومن هالكلام ....؟ وانا اتحدى .. خلوا اي لاعب نصراوي يروح لاحد اندية العاصمه وستجدونه من افضل اللاعبين ..

انا اطالب بتصعيد على الاقل خمسة لاعبين من الاولمبي الى الاول .. ناظر خريطة النصر واقصد الفريق الاول يمكن ولا لاعب من الاولمبي ولا احد من ابناء النادي..؟

يافيصل اذا تحب برشلونه اعمل مثلهم صعد لاعبينك..انسخ التجربه البرشلونية..(( مع اني مدريدي ))

في النهاية اتمنى ان تشاركوني برأيكم ... فرأيكم يهمني..!!

تحياتي