مدارات شعبية
نشرت جريدة الجزيرة على صفحة مدارات شعبية اليوم
قصيدة الزعيمة نايفة شمر
خلاص أصحى
لا صرت ماني بالأولى وسط خفاقك
قررت ,,, حبك بعد من خافقي يمحى
بنساك وأعيش ,, وأنسى لوعة فراقك
وأقول للشوق نام بخير ,, لا تصحى
ولو جيت في يوم تسبق لهفة أشواقك
لأمسكك سكة الأموات والجرحى
ما عاد فيني حروفٍ تحتري عناقك
إن جبتها بالنبط وإن جبت بالفصحى
وإن شفت أنا في سماي يلوح برّاقك
ما قلت له يا هلا ,, وما قلت يا مرحى
الله يهنيك مع ربعك وعشّاقك
شف وين كان الغلا واليوم وين أضحى
لا تقول وشلون صرت أقوى على إحراقك
أنا تغيّرت فالأسلوب والمنحى
وفّر عنا قلبك ووفّر عنا ساقك
خلاص لا عاد تذكر سيرتي وأصحى
ما دام ربي مقدرّني على فراقك
لابد ما الذكريات الماضية تمحى
صح لسانك
و سلمت يمينك
رد مع اقتباس
