حبيبي عادت اسراب الحمام وعادوا الغياب
وانا من كثر ما شفت الوجيه اشتقت لأحبابي
حبيبي من كثر ما اشتقت لك صرت اكره الابواب
ليا شفت الوصل واهل الوصل ماعتبوا بابي
سنة مرت وانا اتبعها وعود الصادق الكذاب
وانا اخاف اندفن وسط الظنون وشوقي ترابي
انا اخبره وفي لوغاب يرجع يشرح الاسباب
ولكن ليه هالمره غيابه حاسب حسابي؟
إذا كان الزعل صفحه فعمري كلبوه كتاب
يجي ويجدد الصفحه واشقق باقي كتابي
تعبت اتصنع الضحكه واجامل ضحكة الشذاب
وصبري مابقى به غير خيطٍ ماسك اعصابي
يارمشٍ رحمته صارت مابين ارماشة الاهداب
وانا وش جاب عيدي والقصيد وباقي اعجابي
ياثغرٍ كنه الصبح الندي وليا حكى به ذاب
خفوقي والشفايف كنها من بعض ترتابي
كأني شفته بقلبي وعيني فزت بترحاب
وانا اشهد طحت لكن ماحد ٍ حولي وسمى بي
احسب السالفه نظرة واحسب ان الغرام اعجاب
إلين ان صرت بغيابه اضيق بداخل ثيابي
بلاني والا انا ماكنت اعرف ان الهوى غلاب
ياليته صد عني قبل اجيه مشرع ابوابي
علامه صار يجزاني بتاليها هجر وغياب
و انا اشفق عليه من الفراق ولوعة غيابي
علامه ليه خلاني كذا ويا الحنين اصحاب
وخلا وحشة غيابه تصير من اصدق اصحابي
عقب ماغاب نجمه صرت ادور في سماي شهاب
غيابه صار موال الجروح اللي تغنابي
وبعد ماعادت اسراب الحمام وعادوا الغياب
بديت ادور بكل الوجيه اشباه لأحبابي
للشاعر : صالح السكيبي ...
رد مع اقتباس
المشاركة الأصلية كتبت بواسطة أنـ الذكريات ـين 
انتقاء رااائع يا لذيذ.. 
