[poem=font="Simplified Arabic,6,black,bold,normal" bkcolor="transparent" bkimage="" border="groove,4,white" type=2 line=0 align=center use=ex num="0,black""]
زعلتها وانا ادري ان القلب محكوم بقيود = الله يصبر خافقي ما دامني زعلتها
ما كان ودي بالخطا ابدا ولا عندي قصود = والكلمه اللي تزعله ياليتني ما قلتها
حكم القدر ساق الكدر يمي ولا عنه حيود = دمعة قهر كسرة ظهر والعمر بعده انتهى
ياليت تدري يا رقيق الطبع ياانفاس الورود = يلي صفاتك بالعرب بالحيل ذايع صيتها
عن حالتي في غيبتك والحال في نقصٍ وزود = الله يجيرك دمعتي تنزل ولا رديتها
في غيبتك كن الفضا ضيق وفي عيني محدود = والنور والظلما سوا لو كان ما ساويتها
اتذكر ايام الهنا واعود لافراحي واعود = لاوقاتنا وحكاتنا واصوت ضحك وخلتها
اتخيلك في بسمتك في حالة اوقات الركود = واتخيل اوقات الدموع وعين بي بكيتها
واسترجع اجمل ما حصل بيني وبينك بالوجود = واعيش وسط الذاكره ذكرى وبك ذكرتها
كني بدونك بالعرب معدود من فوق العدود = والحال من حال الاسير ان كان انا حاليتها
تدرين لو هي بالمنال .. اعود واختار العضود = اللي تعين برايها لو كان ما شاورتها
اكبر قهر حد الكلام يرد في وقت الضدود = واكبر وجع هي كلمتك تذبحك يوم ابديتها
واكبر دليل بهالزمن لارواح تذبحها الورود = كلمة الم وقت الالم ياليتني ما قلتها
[/poem]
رد مع اقتباس
