الأســــــــــــيرة تعتقها الأمــــــــــيرة!! (إلى الأديبة الأميرة)
..
.
[poem=font=",6,black,bold,italic" bkcolor="white" bkimage="" border="double,4,black" type=2 line=1 align=center use=ex num="0,black""]
نبدأ بحكم ٍ طاغيا يقتل الزور =قاله ونفــذ مطلبه مع نذيره
والعلم عمه والجهل فيه منحور=وبسلسلة شعره فــــنون مثيرة
ونفضت فكري لن ماهو بمعذور=لنه حكيم ومطلبه فعل خيرة
أقولها بالعدل ماني بمجبور=اسيوفنا صارت عليهم شطيره
وأعيدها بالود بيّن ومسبور=حيره تلاقيــها ثمانين حيره
اردفت بين الشور والحق مقبور=وأثر الحضيرة جملت بالحضيرة
بعض المعاني ملبسه ثوب مسحور=والبعض غطاها بثوب الستيرة
واغلقت معناها عن عيونهم عور=وصح الخبر والحالمة مستنيرة
أخذت من سطوته حكمة بلا شور=يربع ويعقد بالنفوس الشريرة
واليوم بان النور وابطـــلتك نور =وايقنت بأسرار ٍ لفتني خبيرة
وشعللت حرفك من شذها على الفور =وشفت العجب من فعلها بالظهيرة
يوم انتهض موالها يبني جسور=ومن علمك ياعل يسلم نظيره
نظيره اللي جاد بالعزف والدور=ياطأ دروبه مادرى عن هصيره
اخذ دررها معاقدٍ سبعة ابحور=وشفنا دررها جملت كل ديرة
وخليت موجه يم ماهو بمحصور=عل الكبود الضامية من هجيره
انتاجها بلـــــور ويديك بلـــور=ولمسة يدينك عالجت هالضريرة
وسيفك لمع من لمعة يحدب ظهور=ورقـّا اســــيرتنا برتبــه أميرة
ودستوركم دستورنا خير دستور=واطباعكم هي طبعنا يالسفيرة
واللي يبدل منهج الدر بالبور =اخطأ هدفنا وانحــرف في مسيره
[/poem]
الشاعر : محمد المضيبري ..
..
..
..
الرد ع هذه الشامخة أعلاه كان من قبلي ...
..
..
..
..
[poem=font=",6,black,bold,italic" bkcolor="white" bkimage="" border="double,4,black" type=2 line=1 align=center use=ex num="0,black""]
أشعلت قنديل ٍ على كل ديجور = يكسر ظلام وينجبر له كسيره
الشعر مايعذر ولاهوب مذخور = والسيف تعرف سلته من جفيره
البحر لويشكي ثقل كل بابور = ماأرست مواني بحرها في غديره
ثوب الحياء يستر على ممحل القور = الياتناقل سيل نبته بشيره
واللي طرق باب ٍ من الوقت محذور = ماجارغيره فالزمن مستجيره
اللي يكمل فرض ربه يبا الحور = يجزاه ربي جنته عن سعيره
ولاينحني رأس ٍ نطح حايف الجور = لابد له من طول صبره يسيره
واللي تقصر عن مساره ومقصور = حبله قصربه من وقايع بتيره
خبرة طبيب ومهنة العلم دكتور = مال التجارب خبرة ٍ فالقصيره
واللي على الخبره تجارب ومخبور = لو يعترض بالشور قصر شويره
الحظ يلعب والكرامه لها دور = والقل ماعيّب كفوف ٍ فقيره
يبدي مباديها على عالي الكور = والحر يفرق عن مطاليع جيره
واليوم يامحمد مواريد وصدور = وهداج ميراد الظوامي غزيره
سبورت التدريس والخط طبشور = يملا الحلوق بصمتها عن جهيره
لاصرت من يسرك ولانته بمعسور = ماحداً على خلقه يحَدد مصيره
من قلط الماجوب مايحتر السور = ماتقصر الهقوه مبادي نظيره
ومن فصل التفصال والثوب مزرور = يكحل بكحله كل عين ٍ ضريره
ولافيه كابر غير له ند مكبور = والعلم ملحه فالثمر عن كثيره
قطفت من بستانها باقة زهور = مهداه لأهل العرف وأهل البصيره
[/poem]
أختكم : أميرة القوافي
رد مع اقتباس
