===((حبيته حتى بغيابه))===
السلام عليكم ورحمة الله وبركاته
مسااكم ورد جميعاً
العذر من الله ثم منكم على الغياب الطويل
اعود اليكم بهذه الابيات التي اتمنى ان تنال استحسانكم واللي ماتجوز له يقول خير او يصمت :)
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
من عام وقلبي متعنّي=وأحوالي مدري وش فيها
غاب وغيّب عقلي عنّي=والفرحة أكره طاريها
مدري عن حاله وعلومه=طيّب ولّا رايح فيها
عايش ولّا مات وقفّا=والروح بقبضة باريها
مرّ العام وبعده مدّه=والنفس الفرقى تشكيها
حبّيته حتى بغيابه=ساكن روحي ومعنّيها
لكن ربّي شاء وقدّر=يرجع واشواقي يحييها
لو كان جروحه اشقتني=بعيونه نظره تشفيها
صوته غاب وشوّق سمعي=مااحلا الضحكات وراعيها
ياليت يدينه بيديني=والعين تناظر غاليها
والله ما احشم هالعالم=لاضمّه واخرب تاليها
لين احضانه تروي شوقي=تخمد هالنار وتطفيها
وياخوفي من يوم يقفّي=ابكي من شوقي وارجيها
الله لايكتب لي فرقا=حتى لو جاني ناويها
لنّي في بعده اتعذب=اكره دنياي ومافيها[/poem]
رد مع اقتباس
