فطائر الفراولة - فطائر الفراولة بالصور - وصفات فطائر الفراولة بالصور
فطائر الفراولة , فطائر الفراولة بالصور , وصفات فطائر الفراولة بالصور
فطائر الفراولة - فطائر الفراولة بالصور - وصفات فطائر الفراولة بالصور
فطائر الفراولة - فطائر الفراولة بالصور - وصفات فطائر الفراولة بالصور
فطائر الفراولة بالصور
انا لسه طالعه حاااااااالا من المطبخ..وعملت فطيرة بالفراوله بدلا من فطيرة التفاح..
وسميتها Strawberry Pie او فطيرة الفراوله..
يعنى مش لازم نلتزم بالوصفات طول الوقت وتبقى تفاح مع الفطيره يعنى تفاح..
ولكن لازم نبتكر..لكن كل اكلاتنا حتى التقليديه كان اساسها ابتكار..
المهم علشان مش اطول عليكم..انا صورت الخطوات وانا بعملها..
مقادير الفطيره..
3 كوب دقيق
ذرة ملح
1 م ك سكر
فانلا
1 1/2 كوب زبد بارد
1/3 كوب ماء مثلج
بيضه للدهن
مقادير الحشو
1/2 ك فراوله مقطعه مكعبات متوسطه
3 م ك سكر
فانيلا
الطريقه
اول حاجه هنحضر الحشو..وهنحط مكونات الحشو على النار عدا الفانيليا..لغاية ما الفرواله تنزل السائل بتاعها وتتبخر كمان
وبعد كده هنضيف ليها الفانيليا ونسيبها تبرد
بعد كده هنعمل العجينه
نحط الدقيق على الرخامه او فى اناء..بس انا بحب اعجن على الرخامه باخد راحتى اكتر..
بس لو هتعملو حركه زى دى لااااااازم الرخامه تبقى نضيفه جدا جدااااااا..
هنضيف الملح والسكر والفانيلا ونقلبهم
وبعد كده هتضيفى الزبده وتفركى الزبده مع الدقيق بلطف.
احنا مش عاوزين نعجنها بس هنفركها لغايه ما الدقيق يغلف الزبده ويبقى زى الكسكسى كده
هنضيف الميه ونلم الخليط ده وبرده مش هنعجن احنا هنجمع الدقيق والزبده مع الميه بس..مع مراعاة عدم العجن بقسوه..
انا عامله الحفره دى علشان احط الميه جواها..لانى لو حطيتها عشوائى انتوا عارفين ممكن الميه دى تتسرب فى كل حته
هتقسمى العجينه نصفين..هتاخدى نصف منهم تفرديه على شكل دايره
وتحطي اول راق فى الصينيه..
بعد كده هتضيقى الحشو.
وتاخدى النص التانى من العجينه تفرديه بنفس الطريقه وتحطيه على الحشو وتقفلى الجوانب جيدااااااااا وياريت تخرمى الوجه بالشوكه علشان تتنفس فى الفرن
اى باقى من العجين خديه اعملى بيه اى شكل وحطيه من فوق وادهنى الوجه بالبيض انا بحط عليه فانيليا علشان قوة رائحة البيض مبحبهاش فى المعجنات..
هتحطيها فى فرن درجة حرارته 180 درجه لمدة 45 دقيقه او لما الوجه يبقى لونه دهبى
مع تحياتى
رد مع اقتباس
