أنت اللي أعجبتني وتناسب ميولي
............ وأنا لي سنين أدوّر واحدٍ زيّك
أنا فضولي وقلبي مثلي فضولي
............ ما غير أسيّر على شارعك وأشيّك
وأناظر اللي يمرّ من العرب حولي
............ لين عرفوني الأهالي في وسط حيّك
والبعض منهم رحمني لا لمح زولي
............ وإلا أنت ما فيك رحمة لعنبو حيّك
لخبطتني وارتبكت بعرضي وطولي
............ واقف لحالي بوسط الحي متشيّك
وإن جيت جنبي تغيّر واختلف قولي
............ قلبت مصري وقلت أهلين وأزيّك
ولا شفت ناس ٍ ببابك قلت : من ذولي ؟!
............ أخاف غيري يحوز النور من ضيّك
وإلا يجي واحدٍ في موقف بطولي
............ ويعجبك ويعيش من موقفه في فيّك
ودي أجي وأنت في لهفة على وصولي
............ وقلبي ترى قابلٍ واجدك وشويّك
متى ميولك توافق فالهوى ميولي
............ قدّر .. ترى ما فقلبي واحدٍ زيّك
رد مع اقتباس
المشاركة الأصلية كتبت بواسطة أبوعبدالرحمن 
